Një urdhër për mospërdorimin e telefonave celularë gjatë procesit mësimor është lëshuar nga Ministria e Arsimit në Shqipëri, më 30 korrik.
Ministria ka ngarkuar drejtoritë arsimore në vend për zbatimin e këtij urdhri, i cili vjen pak ditë pasi ligjbërësit francezë miratuan një ligj që u ndalon nxënësve të kenë telefona celularë dhe pajisje të tjera të lidhura me internetit në shkolla.
Urdhri ka hyrë në fuqi menjëherë dhe do të nisë të zbatohet më 17 shtator me nisjen e mësimit në shkollat e mesme dhe ato 9-vjeçare.
