Ka shkuar në 467 numri i të infektuarve me koronavirus në Shqipëri, me 21 raste të reja të identifikuara në 24 orët e fundit.
Ministria e Shëndetësisë ka bërë me dije se fatmirësisht nuk kemi shtim të numrit të viktimave, ndërsa deri më tani, 23 qytetarë e kanë humbur betejën me këtë sëmundje.
Ndërkohë, 15 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 232.
Plot 43 pacientë janë të shtruar në spitalin e Infektivit, ku dy prej tyre janë të intubuar, ndërsa në Sanatorium janë shtruar 9 pacientë, 7 pacientë janë në terapi intensive, ndërsa 5 prej tyre janë të intubuar.
Harta e të prekurve nga COVID-19 zgjerohet në Tiranë me 6 raste, Shkodër 13 raste, Durrës me 1 rast dhe Hasi me 1 rast. Rastet e identifikuara në 24 orët e fundit janë kontakte të rasteve të mëparshme të prekura me COVID-19, ndërkohë që Shkodra mbetet vatra më e nxehtë e virusit.
Shpërndarja gjeografike e rasteve pozitive, është si vijon:
– Tiranë 221 raste
– Durrës 42 raste
– Lushnje 6 raste
– Elbasan 15 raste
– Fier 32 raste
– Kavajë 8 raste
– Rrogozhinë 4 raste
– Korçë 17 raste
– Vlorë 5 raste
– Shkodër 70 raste
– Lezhë 14 raste
– Berat 2 rast
– Has 13 raste
– Krujë 6 raste
-Tropojë 4 raste
– Pukë 5 raste
– Mirditë 3 raste
/Iconstyle.al
