Ish-banorja e “Big Brother”, Xhensila Pere është vazhdimisht në qendër të vëmendjes mediatike për fotot provokuese, por edhe për jetën e saj personale. Vetëm pak kohë më parë Xhensila u bë pjesë e mediave rozë pasi u përfol për një lidhje të mundshme me biznesmenin Jurgen Kurti.
Një lidhje kjo që u përgënjeshtrua nga të dyja palët. Fillimisht ishte Xhensila e cila u shpreh e revoltuar se ishte e lodhur nga lajmet që shkruajnë se e kanë kapur mat me Jurgen Kurtin. Madje bukuroshja sqaroi se midis tyre ka vetëm shoqëri.
Nga ana tjetër edhe Jurgeni nëpërmjet një postimi në Instagram tregoi se nuk ka asnjë lidhje me Xhensilën dhe për më tepër ai prej 5 vitesh është i fejuar.
Ndërkohë që kjo histori u mbyll me kaq, ditën e sotme ish-banorja e “Big Brother” ka ndarë me fansat e saj në Instagram një foto që ka tërhequr vëmendjen e të gjithëve.
Në foton e publikuar në Instastory Xhensila shfaqet krah një mashkulli, që me shumë gjasa është i dashuri i saj, por në këtë rast ajo është siguruar që t’ia mbulojë fytyrën me një zemër të kuqe.
Pikërisht kjo foto ka ngjallur sërisht kureshtjen e ndjekësve të Xhensilës, të cilët janë bërë kurioz të dinë se cili është mashkulli që i ka marrë zemrën ish-banores së “Big Brother”.
