Gjatë 24 orëve të fundit në Shqipëri janë kryer 270 teste ndaj të dyshuarve me koronavirus, nga të cilët kanë dalë 16 raste positive.
Nga rastet e reja, 9 janë identifikuar në Tiranë, 1 në Shkodër, 5 në Krujë dhe 1 në Berat. Ndërkohë që në spitalin e Infektivit janë shtruar 3 shqiptarë pjesë e KFOR-it, u importuan nga Kosova.
“Në shërbimin infektiv aktualisht janë 27 të shtruar. 6 pacientë janë në terapi intensive. Në totalin e të shtruarve në spitalin infektiv, ndodhen edhe 3 raste të importuara COVID19, ushtarë shqiptarë të KFOR të ardhur nga Kosova. Në spitalin COVID 2 “Shefqet Ndroqi”, janë 6 pacientë të shtruar. 2 pacientë janë në terapi intensive në gjendje më të rënduar. Në dy spitalet COVID aktualisht po marrin shërbim 33 pacientë”, tha Eugena Tomini nga Instituti i Shëndetit Publik.
Fatmirësisht 24 persona janë shëruar në 24 orët e fundit duke e çuar në 455 numrin total të të shëruarve.
Nga 281 pacientët aktivë me COVID-19 në vendin tonë, vetëm 10 % po trajtohen në dy spitalet COVID ndërsa rreth 90% e tyre janë në vetëizolim me simptoma të lehta ose janë pa simptoma dhe monitorohen në mënyrën sistematike nga mjeku i familjes.
/Iconstyle.al
