Imagjinoni për një moment sikur Billy Bob Thornton dhe Angelina Jolie të ishin sërish bashkë, sepse aktori sapo reflektoi mbi martesën me yllin e “Maleficent II”. Në një intervistë për “HFPA”, 62-vjeçari rrëfeu detaje nga martesa me bashkëshorten e tij të pestë Jolie, që nisi në vitin 2000 dhe përfundoi në vitin 2003.
“E kujtoj atë periudhë si një moment fantastik. Angie vijon të jetë mikesha ime dhe është një person i mrekullueshëm. Ka kaluar kaq shumë në jetë. Ajo merr përsipër filma, që mendon se janë të rëndësishëm për të, edhe nëse dështojnë apo kanë sukses, nuk ka asnjë rëndësi. Për këtë e respektoj shumë.” – u shpreh aktori.
Sipas Thornton, arsyeja e vetme përse martesa e tyre shkoi drejt divorcit, ishte për shkak të këndvështrimeve krejtësisht të ndryshme që kishin për mënyrën e jetesës.
“Pra kjo është e vetmja arsye përse nuk jemi bashkë. Secili nga ne kërkonte të ndërmerte një rrugë të re në jetë.” – përfundoi aktori.
