Të jesh personazh i famshëm është një gjë sa e bukur, po aq edhe e komplikuar. Gjatë gjithë kohës je nën vëzhgim dhe çdo gjë e jotja personale shndërrohet në lajm dhe në objekt diskutimi në çdo moment.
Duke qenë nën vëzhgimin e syrit kurioz të publikut, të famshmit përpiqen që në disa raste disa gjëra t’i mbajnë private dhe të mos i ndajnë me të tjerët, megjithëse është shumë e vështirë. Ka edhe nga ato raste kur detaje nga jeta e tyre private janë bërë publike dhe ata i kanë mohuar pa iu dridhur fare qerpiku, mirëpo koha na ka vërtetuar të kundërtën.
Këngëtarja Xhensila Myrtezaj prej disa muajsh u përfol se ishte shtatzënë, por ajo e mohoi në të gjitha mënyrat e mundshme. Të pyetur nga portale të ndryshme Besi dhe Xhensila thoshin me vendosmëri se këto lajme nuk ishin të vërteta.
“Jo, nuk është shtatzënë, nuk jemi në pritje të një fëmije. Në rast se do të ketë, do ta themi menjëherë”, ka thënë asokohe Besi.
Më 11 mars 2018 “Iconstyle.al” zbuloi se Xhensila ishte shtatzënë nga burime të sigurta dhe pas kësaj më në fund çifti u dorëzua dhe në 18 mars konfirmuan për herë të parë se do të bëheshin prindër.
“Kur dy, bëhen 3”, shkruante Xhensila në foton me të cilën konfirmoi më në fund shtatzëninë e saj edhe pse për muaj të tëra e kishte mohuar.
Këngëtarët Seldi Qalliu dhe Mimoza Shkodra vitin e kaluar pushtuan titujt e mediave rozë lidhur me romancën e tyre, mirëpo kjo gjë u hodh poshtë nga këngëtarja e njohur gjatë një interviste televizive. Ajo e mohoi në mënyrë kategorike një lidhje të mundshme me Seldin.
Mirëpo pa kaluar shumë kohë nga kjo intervistë u zbulua se Seldi dhe Mimoza ishin fejuar në 20 tetor 2017 me një ceremoni private në Zvicër, ku të pranishëm ishin miq, kolegë e familjarë të tyre.
Një foto e shpërndarë në Instagram nga mikesha e tyre Pandora konfirmoi zyrtarisht fejesën e tyre.
“Urime Fejesa për dy më të bukurit e estradës Mimoza Shkodra dhe Seldi Qalliu”, shkruante mikesha e tyre.
Në muajin korrik të viti të kaluar filluan thashethemet se dyshja e njohur Klea Huta dhe Elgit Doda janë në një lidhje dashurie. Pasi në media qarkulloi një foto ku shihej se ata të dy po drekonin bashkë në Sarandë u përfol se tashmë janë çift dhe nuk ka dyshime. Mirëpo e kontaktuar nga “Iconstyle.al” Klea i mohoi këto lajme.
“Njerëzit flasin dhe e bëjnë dhe të pavërtetën të vërtetë. Dy njerëz që drekojnë nuk do të thotë që janë domosdoshmërish çift”, tha Klea më 11 korrik 2017 për “Iconstyle.al”.
Pavarësisht se Klea e mohoi lidhjen e saj me Elgitin në 10 tetor 2018 ata publikuan në Instgaram një foto plot dashuri me të cilën konfirmuan për herë të parë zyrtarisht romancën e tyre.
Këngëtarja Çiljeta Xhilaga dhe portieri i ekipit të “Partizanit”, Alban Hoxha prej kohësh janë përfolur se janë në një lidhje dashurie. Pas lajmeve të shumta që qarkulluan në media se dyshja e njohur janë bashkë Çiljeta reagoi duke thënë se ata janë vetëm miq dhe asnjë gjë më shumë.
Mirëpo pavarësisht se ata ende nuk e kanë konfirmuar zyrtarisht lidhjen e tyre, çdo herë e më shumë na kanë treguar se janë bashkë. Madje një video e publikuar nga Çiljeta në Instagram ku ata shfaqen të dy në makinë është konsideruar si konfirmimi zyrtar i lidhjes së tyre, të cilën e kanë mohuar shumë herë.
Mirëpo rastet kur personazhet na kanë gënjyer sy ndaj syri nuk kanë të bëjnë vetëm më shtatzënitë apo me lidhjet, por edhe me angazhime e tyre profesionale sikurse ndodhi me moderatorin Turjan Hyska. Në muajin mars ai bëri një postim në Instagram ku thoshte se emisionit “Oktapod” i kishte ardhur fundi dhe menjëherë pas kësaj filloi të aludohej rreth largimit të tij nga “Vizion Plus”.
Në muaj prill një burim për “Xing.al” zbuloi se Turi do të largohej nga televizioni “Vizion Plus” dhe do të fillonte një emision të ri në televizionin “Klan Plus”.
Mirëpo pas këtij lajmi Turi publikoi në Instastory një foto ku thoshte se këto ishin “Fake News” (lajm i rremë).
Pavarësisht se i përgënjeshtroi këto lajme më 2 qershor Turi më në fund konfirmoi zyrtarisht zhvendosjen e tij në ekranin e “Klan Plus”.
Modelja shqiptare, e cila po e zhvillon karrierën e saj në SHBA, Adrola Dushi u përfol në media në fillim të këtij viti se me shumë mundësi i kishte dhënë fund martesës me bashkëshortin e saj, Adis Patushin. Këto dyshime nisën pasi ata po jetonin larg njëri-tjetrit.
Mirëpo Adisi deklaroi asokohe se shumë shpejt ai do të shkonte në Amerikë për t’u bashkuar me familjen e tij dhe se lajmet e ndarjes nuk janë të vërteta. Madje edhe Adrola tha se shumë shpejt bashkëshorti i saj do të zhvendosej në Amerikë, derisa Adisi të pajisej më dokumentacionin e nevojshëm.
Por, e ftuar në emisionin “Xing mer Emalin”, në muajin prill 2018 Adrola ka folur për herë të parë për ndarjen nga bashkëshorti.
“Martesa nuk ishte gabim, por unë dhe Adisi ishim shumë të rinj. Nuk mendoj se është as faji im, as faji i Adisit për ndarjen tonë. Është thjesht faji i situatës, Troi erdhi shumë herët në jetën tonë. Pse nuk funksionoi do ngelet mes meje dhe Adisit”, thënë ndër të tjerash Adrola.
Balerina e njohur Klaudia Pepa dhe koreografi Albi Nako u vunë në qendër të vëmendjes mediatike në prill të viti 2017, pasi një burim për “Bluetooth” tregoi se çifti ishte në prag të ndarjes, ndonëse nuk bëheshin të ditura arsyet. U aludua se me shumë mundësi kjo ishte për shkak të distancës dhe ndryshimeve që kishin ndodhur në jetën e balerinës pas vendosjes së saj në Itali.
Mirëpo e ëma e Klaudias e ftuar në emisionin e pasdites “Rudina” i mohoi në mënyrë kategorike këto lajme duke thënë se ata janë më të dashuruar se kurrë dhe këto janë vetëm thashetheme dashakeqëse.
Pavarësisht se e kishin mohuar ndarjen e tyre, më në fund më 1 korrik 2017 Albi Nako dhe Klaudia Pepa konfirmuan zyrtarisht për revistën “Class” ndarjen e tyre duke thënë se prej një viti nuk ishin bashkë dhe se janë ndarë shumë miqësisht me njëri-tjetrin për shkak të angazhimeve profesionale dhe distancës mes tyre.
Reperi i njohur Gjiko dhe moderatorja Elita Rudi u përfolën në nëntor të viti 2016 se kishin nisur një lidhje dashurie mes tyre, pasi u publikuan foto ku ata shiheshin të kapur përdore teksa ishin së bashku me pushime.
Mirëpo Gjiko i pyetur nga “INTV” tha se kjo nuk është e vërtetë.
“Jo unë nuk di asgjë. Të dielën kam qenë me mamin duke ngrënë pite”, tha Gjiko asokohe.
Madje edhe në intervista të tjera i pyetur në lidhje me Elitën ai e ka mohuar një lidhje të mundshme mes tyre duke thënë se ai është “single”.
Në janar 2017 më në fund çifti është dorëzuar dhe Elita ka konfirmuar zyrtarisht lidhejen me Gjikon duke publikuar disa momente nga ditëlindja e reperit.
Këngëtarja Afërdita Dreshaj, e cila sot kurorëzon me martesë historinë e dashurisë me sportisin çek Jakub Kindl, u përfol në vitin 2014 se kishte nisur një lidhje të re. Në një intervistë të dhënë për një portal në Kosovë Afërdita tha se ishte “single”.
“Për momentin jam ‘single’, po shijoj momente më të bukura të karierrës sime. Po jetoj një moment të bukur. Dyshoj se dikush do të donte një të dashur me shumë angazhime. Ka pasur shumë thashetheme për mua, por po të isha e dashuruar nuk do të kisha frikë ta tregoja. Është normale të biesh në dashuri, do t’ua kisha treguar të gjithëve. Po rrjetet sociale e bënë të vetën”, tha Afërdita.
Mirëpo shumë shpejt dhe ajo u dorëzua dhe e parnoi lidhejen e saj duke publikoi foto së bashku me sportistin çek.
Në vitin 2017 u përfol për ndarjen e bujshme të këngëtares Jonida Maliqi nga bashkëshorti i saj pas 17 vitesh martesë. Thashethemet për ndarjen e tyre nisën pasi ata filluan të mos jetonin më bashkë. E kontaktuar nga media të ndryshme për këtë çështje Jonida Maliqi ka refuzuar në mënyrë kategorike të bëjë komente, duke mohuar në një farë mënyre dhe ato që përfliteshin. Mirëpo në momentin që divorci u bë zyrtar në gjykatë, nuk kishte se si ta mohonte më.
Në dhjetor 2017 e ftuar në “Top Albania Radio”, Jonida ka folur për herë të parë për ndarjen.
“Në momentin që pretendon të nisësh një marrëdhënie pritet që jo të përfundojë, por t’i shkosh deri në fund. Rasti im nuk ishte i tillë, jeta kështu është. Nuk kam dhënë detaje rreth kësaj çështjeje ashtu sikurse nuk kam dhënë detaje kur kam qenë e lumtur, sepse jo më kot jeta ime personale më përket mua”, është shprehur Jonida.
Dy këngëtarët e njohur Young Zerka dhe Ronela Hajati prej kohësh po përflitet se janë bashkë, madje miq të afërt pranë tyre kanë thënë se ata kanë një lidhje të gjatë. Mirëpo asnjëri prej tyre nuk e pranon, madje në çdo intervistë të ndryshme e kanë mohuar duke thënë se janë thjesht miq të mirë. Megjithëse ata po tentojnë ta na gënjejnë të gjithë po presin konfirmimin e tyre zyrtar.
Gjithashtu edhe dy këngëtarët e tjerë të njohur, Eni Koçi dhe Genc Përvlukaj prej kohësh po përflitet se janë bashkë. Mirëpo asnjëri prej tyre nuk e ka konfirmuar publikisht lidhjen e tyre dhe po tentojnë nga dita në ditë të na gënjejnë për këtë gjë. Mirëpo detaje të ndryshme na vërtetojnë të kundërtën dhe ata nuk janë thjesht miq, por po jetojnë në histori dashurie mes tyre, të cilën po presim ta bëjnë zyrtare.
Dy personazhe të tjerë të cilët janë në tentativë për të na mashtrua janë balerina Alba Hoxha dhe koreografi Albi Nako. Prej kohësh ata po përflitet se janë në një lidhje nisur edhe nga udhëtimet e tyre të përbashkëta jashtë Shqipërisë. Mirëpo ata kanë folur duke thënë se janë thjesht udhëtime pune.
Burime për “Icontyle.al” zbuluan se Albi Nako dhe Alba Hoxha kanë nisur përgatitjet për fejesë dhe shumë shpejt do të zyrtarizojnë lidhjen duke shkëmbyer unazat.
Dy personazhe të tjerë të njohur, të cilët prej kohësh po përflitet se janë bashkë janë moderatoja Kiara Tito dhe këngëtari Butrint Ymeri. Të dy e kanë mohuar lidhjen mes tyre, por fotot së bashku na kanë vërtetuar të kundërtën, ndërkohë që të gjithë janë duke pritur konfirmimin e tyre zyrtar për lidhjen e tyre.
*Kujdes! Ndalohet riprodhimi i këtij materiali pa lejen e redaksisë së Iconstyle.al
