Personazhet e njohura duke qenë se janë vazhdimisht në qendër të vëmendjes kujdesen që në çdo dalje të tyre publike apo jo të shfaqen të kuruara deri në detaje.
Ato çdo ditë kalojnë nën syrin vëzhgues të publikut, i cili i komenton gjerësisht për mënyrën se si vishen, si grimohen, a kanë bërë ndërhyrje estetike, apo se si kanë ndryshuar ndër vite.
Disa prej këtyre personazheve të famshme i shohim prej vitesh dhe na duket sikur nuk kanë ndryshuar aspak dhe i kanë sfiduar bindshëm vitet. Ato duken po aq të kuruara dhe të freskëta sa në ditën e parë që i kemi njohur. Mund të themi me plot bindje se për disa prej tyre vitet kanë ndikuar pozitivisht dhe duken më të reja seç kanë qenë.
Koha është treguar shumë bujare me to dhe tashmë mosha për to është vetëm një shifër. Por cilat janë disa prej personazheve të famshme shqiptare të cilat i kanë sfiduar vitet?
Vera Grabocka është një ndër regjisoret më të dashura shqiptare, e cila prej vitesh vjen në ekranet tona me emisionet televizive më të ndjekura. Në përgjithësi nuk preferon të shfaqet në ekran, pasi lë punën e saj të flasi për të, por në ato pak raste që kemi fatin ta shikojmë befasohemi çdo ditë e më shumë me pamjen e saj. Ajo më 21 mars festoi ditëlindjen e saj të 67-të dhe askush nuk e beson që kjo është mosha e saj reale.
Këngëtarja Ledina Çelo sot është nënë e dy fëmijëve, por me pamjen e saj të kuruar dhe me format trupore seksi xhelozohet dhe nga adoleshentet. Edhe pse i ka mbushur 41 vjeç në 6 shkurt, Ledina ngjan shumë më e re nga mosha që është dhe mund të themi me bindje se mosha për të është thjesht një numër.
Këngëtarja Albërie Hadërgjonaj është nga ato raste kur me kalimin e viteve rinohesh. Ajo sot shfaqet më e bukur, më e freskët edhe se në rininë e saj. Albëria më 15 shtator mbush plot 43 vjeç, por ngjan shumë më e re fal kujdesit të vazhdueshëm që ajo tregon ndaj pamjes së saj.
Një gjyshe seksi që e ka pranuar gjithmonë se i pëlqen të mbahet dhe madje do të bëjë edhe operacione plastike derisa ajo të ndihet mirë.
Këngëtarja Manjola Nallbani është njohur gjithmonë si një ndër femrat më sensuale të skenës shqiptare. Ajo është nënë e dy vajzave dhe gëzon linja perfekte, të cilat ajo ia dedikon trashëgimisë gjenetike, por edhe një regjimi ushqimor shumë të rregullt.
Me linjat e saj perfekte 48-vjeçarja Manjola Nallbani sfidon edhe 19-vjeçaret.
Këngëtarja Mihrije Braha ka treguar gjithmonë se nuk e ka problem ta thotë moshën e saj. Nëntorin e vitit që lamë pas ajo festoi ditëlindjen e saj të 50-të duke i befasuar të gjithë me pamjen e saj të re.
Ikona e bukurisë shqiptare ka qenë dhe do të mbetet ish- Miss Shqipëria Valbona Selimllari. Kur flitet për moshën e saj të gjithë ngelemi pa fjalë. Edhe pse i ka kaluar 45 vite dhe është nënë e tre fëmijëve bukuria dhe hijeshia e saj sa vjen dhe shtohet.
Regjisorja Inis Gjoni mbetet po e njëjta bukuroshe që kemi parë dikur në ekranet tona. Edhe pse mbi supet e saj mban 42 vite, ajo shfaqet më tërheqëse dhe në formë se kurrë më parë.
Ndërsa gjyshja më seksi e ekraneve tona prej disa vitesh përflitet se është moderatorja e njohur Suzana Mushkolja. Ajo është nëna e këngëtares Argjentina Ramosaj dhe fiziku i saj po i çmend të gjithë. Më maj ajo mbushi 49 vjeç, por me format dhe elegancën e saj sfidon edhe 20-vjeçaret.
Një ndër këngëtaret të cilën e shohim prej vitesh në ekranet tona dhe që na duket po e njëjta është Soni Malaj. Ajo i ka mbushur 36 vjeç, është nënë e një vajze bukuroshe dhe pavarësisht kësaj ngjan më në formë se kurrë. Soni na ka treguar gjithmonë se stërvitet vazhdimisht në palestër dhe ndjek një dietë ushqimore shumë të rregullt.
Këngëtarja Leonora Jakupi prej 20 vitesh është pjesë e skenës shqiptare dhe në çdo dale të saj duket më në formë se kurrë. E kuruar deri në detaje dhe me një pamje për t’u adhuruar Leonora nuk ngjan aspak si një 39-vjeçare.
Këngëtarja Lindita Theodhori i ka mbushur tashmë 60 vite dhe me stilin e saj të veçantë të veshjes shfaqet më e re se kurrë. Me minifundet, dekoltetë e hapura dhe pantallonat lëkurë ajo shfaqet shumë seksi dhe ngjan shumë më e re nga bashkëmoshataret e saj.
Këngëtarja Aurela Gaçe ndër vite na ka surprizuar gjithmonë me energjinë saj në skenë, por edhe me “look”-un e saj të veçantë. Sot ajo është nënë e dy vajzave dhe mbi supe mban plot 43 vite, por me stilin e saj të veçantë dhe me stërvitjen e vazhdueshme është më në formë së kurrë.
Një ndër këngëtaret, e cila e ka bërë për vete publikun jo vetëm me zërin e saj, por edhe me ëmbëlsinë që e karakterizon pamjen e saj është Eli Fara. Edhe pse është 51-vjeç ajo sfidon edhe vajzën e saj, Marinën.
*Kujdes! Ndalohet riprodhimi i këtij materiali pa lejen e redaksisë së Iconstyle.al
