Televizionet shqiptare kanë filluar të përgatiten për sezonin e ri që do të fillojë në shtator dhe shumë gazetarë dhe moderatorë të njohur kanë lëvizur nga njëri televizion tek tjetri.
Tashmë janë zbuluar edhe disa emisione të reja të cilat pritet nisin me startimin e sezonit të ri. “Tv Klan” duket se do të jetë televizioni me më shumë risi. Është zbuluar se në këtë ekran shumë shpejt do të vijë për publikun edhe një ndër emisionet më të dashura, sidomos për të apasionuarit pas modës.
“Supermodel of Albani 2018”, do të quhet spektakli i ri që do të nisë në “TV Klan”, i cili do t’iu jap një hapësirë të rinjve shqiptarë që kanë ëndërr të bëhen model.
Lajmin për nisjen e këtij emisioni të ri e ka dhënë stilisti i njohur Joni Peçi nëpërmjet një postimi në Instastory, ku u bën thirrje gjithë të rinjve që të aplikojnë.
