Mënyra se si i përballoni 10 minutat e para të ditës së punës mund të përcaktojë se sa produktiv dhe efektiv do të jeni në pjesën tjetër të ditës.
Këto janë 13 gjërat që njerëzit e suksesshëm bëjnë në 10 minutat e para të ditës së punës së tyre:
1.Ata reflektojnë.
Arritja e rezultateve më të mira kërkon nga ju të reflektoni se ku keni qenë, ku jeni dhe ku doni të arrini. “Njerëzit e suksesshëm përdorin momentet e qeta dhe të vetmuara për të bërë këtë gjë. Ata pyesin veten: “Çfarë kam përmbushur nga qëllimet e mia deri më tani, këtë javë ose javën e kaluar?”; “Cili është statusi i projekteve të mia të tanishme?”; “Çfarë duhet për të përmbush sot?”.
2.Bëjnë një moment pushimi dhe janë të pranishëm.
“Kjo është e rëndësishme. Në qoftë se arrini në punë dhe përballeni me situatata të trazuara me telefonat që kumbojnë dhe njerëzit që kërkojnë t’ju shohin, mund të rrezikoni ta nisni ditën me këmbën e gabuar. Të qenit plotësisht të pranishëm do t’ju ndihmojë të menaxhoni ditën përpara, në vend që ta lejoni atë t’ju menaxhojë”.
3.Ata kujdesen për komoditetin.
Njerëzit e suksesshëm marrin një minutë në fillim të ditës së punës për t’u siguruar se karrigia e tyre është e rregulluar si duhet dhe sendet që ata shpesh përdorin janë të gjitha në rregull. “Sigurohuni që të keni ndriçimin e duhur. Dita juaj do të shkojë mirë nëse keni një mjedis që është funksional”.
4.Ata shqyrtojnë listën e tyre “to-do” (punët që janë për t’u bërë), bëjnë ndonjë rregullim të nevojshëm dhe parashikojnë ditën e tyre.
“Kjo i ndihmon ata të qëndrojnë sipas planit dhe të përqendrohen në gjërat që janë me të vërtetë të rëndësishme dhe jo thjesht urgjente. Gjithashtu mund të ndihmojë të shohin se ku qëndrojnë sfidat e mundshme, si e kanë planifikuar ditën, kështu që mund të bëjnë rregullimet e nevojshme”.
5.Kanë prioritete.
“Shko përtej vetëm realizimit të listës “to-do” dhe sfido veten për të krijuar një hierarki realiste për projektet tuaja”.
6.Ata shtriqen dhe ecin.
“Merreni në konsideratë ecjen ose qëndrimin në minutat e para të ditës së punës suaj. Kjo mund t’ju jap një ndjenjë më të madh kontrolli, për mënyrën sesi e trajtoni axhendën e ditës”.
7.Shpenzojnë kohë për të përshëndetur ekipin e tyre.
Kjo është veçanërisht e rëndësishme në qoftë se ju jeni një lider. Por, pa marrë parasysh se çfarë roli keni në kompani, ky gjest është i rëndësishëm. Për të avancuar në karrierën tuaj, ju thjesht nuk mund të neglizhoni aftësitë me njerëzit e tjerë. Të jeni miqësor është gjëja e parë në mëngjes që e bën vendin e punës më të këndshëm për të gjithë.
8.Marrin pak kohë për të kuptuar gjendjen e stafit/ kolegëve.
Menaxherët marrin kohë në mëngjes për të folur shkurtimisht me stafin e tyre për t’u siguruar që ata duken të angazhuar dhe të motivuar.
9.Organizojnë zonën e tyre të punës.
Mos të gjesh gjërat që iu duhen është një humbje e madhe kohe. Të keni një tavolinë të pastër punë do të bëjë që të jeni më të qartë me qëllimet e ditës.
10.Kontrollojnë e-mail-in në mënyrë strategjike.
Ata bëjnë një kërkim të shpejt dhe bëjnë një ndarje të e-mail-eve, që duhet t’u kthejnë më vonë përgjigje dhe atyre që janë më urgjente.
11.Parashikojnë dhe shmangin shpërqendrimet.
Ne të gjithë përballemi me disa shpërqendrime në fillim të ditës. Profesionistët e suksesshëm dinë sesi t’i zbusin, duke i bërë disa prej tyre në fillim të ditës, si telefonata, biseda me kolegët, përdorimin e mediave sociale, etj.
12.Buzëqeshin dhe qeshin.
“Shumë njerëz të suksesshëm kanë një rutinë që ndjekin në mëngjesin e tyre me një buzëqeshje. Ta nisin ditën e tyre me një buzëqeshje është bërë një domosdoshmëri për ta, si një mënyrë e thjeshtë për të kontrolluar qëndrimin e tyre dhe për ta nisur ditën me këmbën e mbarë”.
13.Marrin një moment për të qenë mirënjohës.
“Mënyra më e mirë për të nisur ditën është të gjejnë diçka për të cilën janë mirënjohës, mund të jetë personale ose mund të lidhet me punën. Kjo është motivuese”.
Burimi: Business Insider
