Ndahet nga jeta kitaristi i grupit “Eagles”, Glenn Frey

Një tjetër humbje për muzikën këtë janar. Kitaristi i grupit “Eagles”, Glenn Frey, ndërroi jetë dje në moshën 67-vjeçare.

Ai vuante prej kohësh nga artriti reumatoid dhe pneumonia.

“Fjalët nuk mund të përshkruajnë pikëllimin tonë dhe as dashurinë dhe respektin për të gjitha ato që ai i ka dhënë për ne”, u shpreh familja dhe anëtarët e tjerë të bandit përmes një deklarate.

“Eagles” ka qenë një nga bandet më të suksesshme në vitet 1970. Kënga “Hotel California” ka qenë ndër hitet më të famshme të grupit. “Eagles” shitën mbi 150 milionë albume në gjithë botën.

Burimi: Mirror