Është rritur me 12 numri total i të infektuarve me koronavirus në Shqipëri në 24 orët e fundit duke e çuar në 832 bilancin e përgjithshëm.
Aktualisht janë 8 pacientë në terapi intensive, ndërsa 38 po marrin shërbimin e kujdesit shëndetësor.
Zv.ministrja e Shëndetësisë, Mira Rakacolli, u shpreh se 12 rastet e reja janë identifikuar në pesë bashki të vendit, ku duket se është rikthyer rreziku i virusit në Fier, me 3 raste të reja, dhe në Shkodër, me dy raste të reja.
Tirana ka shënuar vetëm 1 rast sot, ndërsa në Kamëz ka pasur 3 raste dhe Krujë 3 raste.
Nga 832 të infektuar në total, 595 persona janë tashmë të shëruar ndërsa vazhdojnë të jenë aktivë aktivë 206 persona.
Shpërndarja gjeografike e rasteve aktive është si vijon:
Tiranë 98
Krujë 69
Shkodër 16
Kamëz 6
Kurbin 4
Elbasan 3
Fier 3
Mirditë 2
Berat 2
Durrës 1
Korçë 1
Lezhë 1
Situata me koronavirusin në mbarë botën:
Të dhënat tregojnë se më shumë se 71,000 amerikanë kanë vdekur nga COVID-19, dhe më shumë se 1.2 milionë janë diagnostikuar me sëmundjen.
Mbretëria e Bashkuar tani ka numrin më të lartë të vdekjeve në Evropë ndërsa rastet po rriten shpejt në Rusi, e cila raportoi më shumë se 10,000 raste për ditën e katërt me rradhë.
Gjermania do të rihapë plotësisht dyqanet dhe shkollat në maj pas disa javësh mbylljeje të imponuar për të kontrolluar përhapjen e koronavirusit, sipas një projekt-marrëveshjeje midis kancelares Angela Merkel dhe kryeministrave rajonalë.
Më shumë se 120 shkolla u rihapën në qytetin kinez Wuhan, epiqendrën origjinale të koronavirusit të ri, për gati 60,000 nxënës të shkollave të mesme pasi u mbyllën për më shumë se tre muaj për shkak të pandemisë.
Më shumë se 3.6 milionë njerëz në mbarë botën tani janë konfirmuar me koronavirus, dhe gati 257,000 kanë vdekur, sipas të dhënave të përpiluara nga Universiteti Johns Hopkins. Gati 1.2 milion njerëz janë rikuperuar.
/Iconstyle.al
