Në një kohë kur shumë të rinj ende mendojnë nëse do shkojnë apo jo në qendrat e votimit, një burrë 100-vjeçar në Tiranë jep një shembull që flet vetë.
Sot në shkollën “Kushtrimi i Lirisë”, ky qytetar i moshuar, me një qetësi të admirueshme, ushtroi të drejtën e tij të votës — siç ka bërë çdo herë që nga viti 1946!
“Nuk i mbaj mend të gjitha numrat, por kam votuar gjithmonë, që nga ‘46 e deri sot,” – tha ai me një buzëqeshje të lehtë.
Për të, fleta e votimit ishte e qartë dhe pa mëdyshje. “Votimi është punë që, sa më shpejt ta bësh, aq më saktë del,” shtoi ai, duke dhënë një mesazh të fortë për të gjithë ata që hezitojnë të shkojnë në votime.
Prania e tij nuk ishte thjesht një akt simbolik, por një kujtesë se demokracia mbahet gjallë nga ata që besojnë tek ajo – edhe pas një shekulli jete.
