Komisioni Qendror i Zgjedhjeve ka bërë publike shifrat paraprake për pjesëmarrjen në votime deri në orën 11:00 të mëngjesit. Nga 2,559 qendra votimi që kanë raportuar, 16.76% e votuesve kanë ushtruar të drejtën e tyre.
Në krahasim me zgjedhjet lokale të vitit 2023, ka një rritje me afro 2%, por shifra mbetet më e ulët se ajo e zgjedhjeve të përgjithshme të vitit 2021, kur deri në të njëjtën orë kishin votuar 20.81% e elektoratit.
Përqindja e pjesëmarrjes në orët e para është tregues i rëndësishëm për ecurinë e ditës, ndërsa vëmendja tani është përqendruar në qendrat e mëdha urbane, ku zakonisht fluksi rritet pas mesditeje.
