Një situatë shqetësuese dhe e pazakontë është raportuar nga Qendra e Votimit 3134/01 në shkollën “Kostandin Peto”, Fier. Sipas të dhënave paraprake, mungojnë plot 500 fletë votimi, të cilat nuk janë gjetur në Komisionin e Zonës së Administrimit Zgjedhor nr. 59.
Sipas sistemit zyrtar, në këtë qendër janë dërguar 547 fletë votimi, por në përfundim të procesit janë dorëzuar vetëm 47. Çfarë ka ndodhur me pjesën tjetër? A është bërë ndonjë gabim administrativ apo kemi të bëjmë me një rast të rëndë manipulimi?
Burime pranë komisionerëve lokalë bëjnë me dije se situata është duke u verifikuar, ndërsa autoritetet zgjedhore ende nuk kanë dhënë një sqarim zyrtar mbi këtë mospërputhje të rëndë.
Ky incident e shton edhe më tej tensionin dhe dyshimet mbi rregullsinë e procesit zgjedhor në disa zona të vendit.
