Kanye West po kalon një nga periudhat më të vështira që pas vdekjes së nënës së tij.
Mediet amerikane raportojnë se babai i reperit, Ray, është diagnostikuar me kancer të prostatës.
Ai po trajtohet pasi zbuloi sëmundjen e rëndë. “TMZ” raporton se Ray po ndjek një terapi në Los Angeles.
Beteja e Ray me kancerin vjen pothuajse 10 vjet pasi Kanye West humbi nënën e tij, Donda pas sëmundjes së arteries koronare.
Komplikimet në shëndet nga kjo sëmundje çuan në vdekjen e nënës së reperit, i cili tashmë po i qëndron pranë të atit.
Kanye West ka mbajtur një marrëdhënie të ngushtë me babanë e tij gjatë gjithë jetës edhe pse Ray West divorcoi nënën e Kanye-s, Donda, kur ai ishte një fëmijë i vogël.
