Të gjithë jemi familjarë me logot e studiove më të famshme të filmave në Hollivud, por shumë pak prej nesh e dinë kuptimin e vërtetë të tyre.
Më poshtë do të lexoni historitë më interesante që fshihen në krijimin e tyre dhe idetë e logove më të njohura:
DreamWorks Pictures
Logo për DreamWorks ishte menduar fillimisht të tregonte një burrë të ulur në Hënë që peshkonte. Artisti Robert Hunt, vendosi të bëjë një zëvendësim me një fëmijë në vend të një burri. Hunt u bazua në një imazh të djalit të tij William, i cili tani punon në industrinë e muzikës.
Columbia Pictures
Gruaja që mban një pishtar, u kthye në logon e Columbia Pictures në vitin 1924. Interesante, është se nuk ka pasur vetëm një model për t’u bazuar. Fotot janë realizuar si pasojë e disa kombinimeve. Versioni më i fundit daton nga viti 1992 dhe është i bazuar në një imazh të një amvise të zakonshme amerikane Jennie Joseph, tiparet e saj fytyrës, ndonëse u ndryshuan me kalimin e kohës.
Metro-Goldwyn-Mayer
Ideja e logos erdhi nga Howard Dietz në 1924. Ai ishte pjesë e një ekipi sportiv të quajtur “Luanët”. Që atëherë, MGM ka paraqitur luanët: Slats, Jackie, Tanner George dhe Leo. Ky i fundit është ylli i tyre aktual.
Paramount Pictures
Për logon e Paramount, artisti William Hodkinson pikturoi një mal shumë të ngjashëm me Ben Lomond në Utah, ku ai u rrit. Në versionin origjinal të bërë në vitin 1914, ka pasur 24 yje: Ky ishte numri i aktorëve që kishin nënshkruar kontratat me studion. Megjithatë, versioni modern ka vetëm 22 yje, dhe askush nuk e di pse.
Warner Bros.
Kjo logo duket mjaft e thjeshtë: si një mburojë me inicialet e themeluesit të kompanisë, Warner Brothers. Megjithatë, ky nuk është emri i tyre i vërtetë. Të afërmit e pronarëve të studios së filmit ishin emigrantë në Amerikë nga Perandoria Ruse dhe Emri i tyre i vërtetë ishte Wonskolaser.
Walt Disney
Logo e studios më të famshme në botë përshkruan një kështjellë përrallash. Fillimisht, frymëzim për këtë imazh ishte kështjella Neuschwanstein në Gjermani. Megjithatë, në vitin 2006, ajo u zëvendësua nga Kështjella e Hirushes në Disneyland Paris.
Pixar
Logo e Pixar u shfaq si rezultat i filmit të parë të suksesshëm të studios. Njerëzve u pëlqeu “Luxo Jr.,” një llambë e animuar në një prej filmave të tyre të shkurtër të bërë në vitin 1986 aq sa llamba zëvendësoi shkronjën “i” të emri Pixar.
Castle Rock Entertainment
Studioja e filmit është marrë nga Warner Bros, por fillimisht gjatë viteve 1980, Castle Rock Entertainment ka qenë një përshtatje e romaneve të Stephen King.
Kompania e mori emrin nga qyteti inekzistent Castle Rock ku vendosen romanet e King. Logo tregon një far nga filmi horror 1993, bazuar në librin e King, Needful Things.
Lionsgate
Lionsgate është një urë në Vankuver – vendi ku themeluesi i kompanisë, Robert Altman ka lindur.
Scott Free
Drejtori Ridley Scott ka studion e tij personale të filmave. Logoja e saj është një video e animuar që tregon një person që kthehet në një zog. Ajo nënkupton lirinë individuale dhe ilustratori italian Gianluigi Toccafondo – e krijoi atë duke bërë lëvizje individuale dhe pastaj duke i fotografuar ato.
Burimi: Bright Side
