Më në fund vera po vjen dhe duhet bërë gati garderoba që na duhet gjatë kësaj stine të nxehtë.
Plazhi do të zerë pjesën më madhe të ditëve tuaja dhe me siguri akoma nuk i keni gjetur rrobat e përshtatshme që duhet të vishni sipër rrobave të banjës.
Nëse ju duhet një dorë, mëposhtë po sjellim disa sugjerime që do t’ju tregojnë një femër të veshur me stil edhe në plazh.
1.Kostum plazhi i zi me fustan me vija bardhë e zi.
Kombinimi përfekt i kostumit të zi të plazhit do të ishte me një fustan të gjatë me vija vertikale bardhë e zi, i rrudhosur në pjesën poshtë.
2.Kostum plazhi rozë me fustan të gjatë me nuanca rozë.
Ngjyra rozë është gjithmonë e këndshme për një palë rroba banje, prandaj një fustan stil geishe me pak nuanca rozë do të rrinte shumë mirë me një kostum të tillë.
3.Fustan bojëqiell me të lidhur me trupore plazhi nudë.
Nëse jeni gati për një shëtitje me varkë do t’ju duhet me patjetër një fustan me lidhje, që të rrijë në formën e duhur me truporen tuaj të plazhit.
4.Fustan i bardhë i gjatë me rroba banje me vija.
Kombinimi perfekt për një shëtitje në plazh me rrobat e banjës do të jetë ky fustan i bardhë deri në fund të këmbëve.
5.Trupore e hapur mbrapa e kombinuar me fund të bardhë.
Ky kostum plazhi mund të kthehet lehtësisht në një trupore që mund të kombinohet me një fund dhe jeni gati për koktejlin e mbrëmjes në plazh.
6.Trupore plazhi e zezë me këmishë të kuqe me lule.
Për një shëtitje në orët e vona në breg të detit, kjo këmishë me të lidhur do t’ju tregojë me shumë stil dhe nuk do t’ju lerë të keni ftohtë.
7.Fustan me lule me bikini.
Fustani me lule do t’ju duhet në çdo rast në verë, femëror dhe me stil ky fustan do t’ju nxjerrë nga situata.
8.Rroba banje me pika me fustan të gjatë me pika.
Një kombinim elegant i rrobave të banjës me pika dhe fustanit të gjatë me copë të ngjashme do të jetë shumë në modë këtë verë.
9.Fustan i bardhë me rroba banje me lule.
Një fustan i bardhë i veshur sipër rrobave të banjës me lule do ta tregojë trupin tuaj tepër sensual.
10.Fustan i kuq me rroba banje blu.
Kombinimi më bombastik që do të tërheqë vëmendjen maksimale mbi ju është padyshim ai i ngjyrës së kuqe me atë blu.
