“Një nga këngët e vështira e më të dashurat për mua”, kështu u shpreh Aurela Gaçe për performancën e saj së fundmi të “Hape veten”. Këngëtarja zgjodhi të performonte live gjatë muajit të gjashtë të shtatzënisë, një këngë që e cilëson shumë të bukur, por të vështirë për shkak të ngarkesës emocionale.
Kjo performancë na ktheu pas në kohë, duke na sjell ndërmend të gjithë këngët që na rrëmbyen zemrën e artistes me stil të veçantë dhe një potencial vokal që të lë me “gojëhapur”.
“S’jam tribu”
Kënga “S’jam tribu” fitoi Festivalin e Radio Televizionit Shqiptar në vitin 1999. Në po këtë periudhë shqiptarët kudo ishin në ditët e tyre më të vështira. Aurela, me triumfin e saj, duket sikur e mbolli farën e lumturisë. Kënga është trekëndësh i Aurelës, Jorgo Papingjit dhe Adrian Hilës.
“Hape veten”
Ajo nuk vjen asnjëherë e njëjta në skenë dhe këtë na e dëshmoi ndër vite. “Hape veten” është një himn i pranimit të së vërtetës, humbjes së dashurisë, faljes si proces, një rok i lehtë ku Aurela Gaçe shkëlqen.
“Jetoj”
“Jetoj” është tekst që nuk shkruhet më në muzikën shqiptare. Me tekstin e Jorgo Papingjit dhe muzikën e Adrian Hilës, askush nuk mund ta realizonte më mirë këtë hit se sa Gaçe.
“Fati ynë shpresë e marrëzi”
“Fati ynë shpresë e marrëzi” nuk është dashur ta fitojë asnjë festival për t’u bërë përjetë kënga me të cilën Aurela ka depërtuar në zemrën e çdo shqiptari, si një mesazh që shpresa vdes e fundit, ose kurrë.
“Nata”
Në vitin 1995, Aurela u shfaq në Festivalin e Këngës së RTSH-së me një këngë që mallëngjen. Teksti kalon nëpër stuhi, det të frikshëm, nëpër një aurë me nënë e vajzë, nëpër mbretëri me ëndrra.
“Bosh”
Ajo u rikthye në Shqipëri, pas Shteteve të Bahskuara të Amerikës me një këngë dhe një videoklip që u kiujtoi të gjithëve taletin e saj. Kënga “Bosh” është kuptimplotë, ndërsa duhet ta riktheni në listën e këngëve që duhet të ridëgjoni.
“Origjinale”
Bashkëpunimi me Marselin dhe Dr. Florin ka qenë ndër hitet e mëdha të Aurela Gaçes. Më moderne si kurrë, ajo është edhe origjinale sa herë që vjen me projekt të ri muzikor. “Origjinale” u dëgjua në Kosovë e Shqipëri, në Greqi e Itali, kudo ku ka shqiptarë. E realizuar rreth 6 vite më parë, kënga numëron 10 milionë klikime.
“Akoma jo”
“Akoma jo” është vetë thirrja për mos t’u dorëzuar. Aurela e fitoi Festivalin Këngës Magjike vitin e kaluar me këtë këngë.
“Feel the passion”
Aurela e preku edhe skenën e Eurovizionit. Nuk bëhet fjalë që kjo ishte skenë e vogël për zërin e saj. “Feel the passion” e solli këngëtaren shqiptare për katër minuta para syve të mbarë botës.
“Nënë e imja nënë”
Kënga e fundit e saj i drejtohet nënës. Askush nuk mund t’i këndonte më bukur se sa Aurela Gaçe, e cila u shpreh se lotët e saj gjatë videoklipit ishin të vërteta.
