“Mos u ktheni kurrë pas”.
Psikologu dhe autori i librit, “Never Go Back: 10 Things You’ll Never Do Again”, dr. Henry Cloud, ka zbuluar disa “rizgjime” që njerëzit i kanë në jetë dhe në biznes dhe në momentin që këto ndodhin, nuk i kthehen më mënyrës së vjetër të të bërit të gjërave. Dhe kur kjo gjë ndodh, ata nuk janë më kurrë të njëjtët.
“Disa vjet më parë, një vendim i gabuar në punë më çoi në një diskutim interesant me mentorin tim”, thotë dr. Cloud.
Ja 10 këshillat e autorit:
1.T’u rikthehen gjërave që nuk kanë funksionuar
Çfarëdo që të jetë, një punë ose një marrëdhënie që ka marrë fund për një arsye të mirë, ne nuk duhet të kthehemi pas tek e njëjta gjë dhe të presim rezultate të ndryshme e të mos ndryshojmë diçka.
2.Të bëjnë atë që u kërkohet për të qenë ato që nuk janë
Në çdo gjë që bëjmë, duhet të pyesim veten “Pse po e bëj këtë gjë? A jam i përshtatshëm për ta bërë? A më përshtatet kjo gjë? A ia vlen? Nëse përgjigjja e këtyre pyetjeve është ‘Jo’, ju duhet të keni një motiv të fortë për të vazhduar këtë gjë”.
3.Të përpiqen që të ndryshojnë një person
Kur ju kuptoni se nuk mund të detyroni dikë që të bëjë diçka, ju i jepni atij/asaj lirinë për të zgjedhur dhe mundësinë që të përballen me pasojat. Në këtë mënyrë, edhe ju vetë do të ndiheni të lirë.
4.Të besojnë se mund t’u pëlqejnë të gjithëve
Pasi të keni kuptuar se është e pamundur t’u pëlqeni të gjithë njerëzve, ju filloni t’i jepni një kuptim jetës, duke u përpjekur të kënaqni vetëm njerëzit e duhur.
5.Të zgjedhin konfortin afatshkurtër para përfitimeve afatgjatë
Sapo njerëzit e suksesshëm kuptojnë se duan diçka që kërkon një hap të dhimbshëm dhe në kohë të kufizuar, nuk i tremben atij hapi, pasi nëpërmjet tij e dinë se do të arrijnë përfitime në afat të gjatë. Ky parim është një ndër dallimet kryesore mes njerëzve të suksesshëm dhe atyre që nuk kanë sukses, si në jetën personale, edhe në atë profesionale.
6.Të besojnë dikë ose diçka që duket e përsosur
Është e natyrshme që të tërhiqeni nga gjërat ose personat që duken “të pabesueshëm”. Të gjithë ne e duam përsosmërinë dhe duhet gjithnjë ta kërkojmë atë. Ne duhet të ndjekim njerëz të cilët janë të aftë në gjërat që bëjnë, miq që janë “diellorë” dhe kompani të cilat shkëlqejnë. Por kur dikush ose diçka duket shumë e mirë për të qenë e vërtetë, ai/ajo është e tillë. Bota nuk është një vend i përsosur. Askush dhe asnjë gjë nuk është e përkryer. Dhe nëse duken të tillë, shtypni butonin “Pause”.
7.Të heqin sytë nga “tabloja e madhe”
Ne funksionojmë më mirë emocionalisht dhe veprojmë më mirë në jetën tonë kur shohim “tablonë e madhe”. Për njerëzit e suksesshëm, asnjë ngjarje nuk është kurrë e gjithë historia. Fitimtarët ia kujtojnë vetes çdo ditë këtë gjë.
8.Të neglizhojnë por të bëjnë kujdesin e duhur
Nuk ka rëndësi sesa e mirë mund të duket diçka nga jashtë, vetëm duke u thelluar në të ne do të zbulojmë se çfarë duhet të dimë vërtet: realitetin.
9.Nuk pyesin pse janë aty ku ndodhen
Një ndër dallimet më të mëdha mes njerëzve të suksesshëm dhe të tjerëve, si në dashuri dhe në jetë, në marrëdhënie me të tjerë dhe në biznes, është që pyesin gjithnjë veten se çfarë roli luaj në këtë situatë. E thënë me fjalë të tjera, ata nuk e shohin veten si viktimë, edhe kur janë.
10.Të harrojnë që jeta e tyre emocionale përcakton suksesin e tyre të jashtëm
Duhet të kemi gjithnjë parasysh këtë gjë: dhimbja është e pashmangshme, por të përsërisësh të njëjtën dhimbje dy herë kur mund të zgjedhim të mësojmë diçka ndryshe, është sigurisht e pashmangshme. Ne kemi nevoja për mënyra të reja për të dështuar. Qëllimi ynë në jetë është që të mos i përsërisim ato dy herë.
