Duke qenë se jemi shumë pranë ceremonisë së çmimeve “Oscar”, e cila vazhdimisht kritikohet për mosvlerësimin e filmave me regjisore femra, atëherë le t’ju hedhim një sy projekteve më të reja.
Sot kemi zgjedhur disa nga filmat e rinj të parashikuar që do të dalin në vitin 2020 dhe që drejtohen nga gratë, nga emra të mëdhenj si Clea DuVall dhe emra të rinj.
Nga një film për një grup femrash që marrin pjesë në Miss World në vazhdim të Wonder Woman, uluni rehatohuni dhe kënaquni me listën tonë të filmave më emocionues të drejtuar nga femrat – deri tani.
“The Rhythm Section” nga Reed Morano
Janar 31
Me pjesëmarrjen e aktorëve të njohur, Blake Lively, Jude Law, dhe Sterling K. Brown, filmi flet për historinë e një gruaje që kërkon hakmarrje ndaj djemve të këqinj që fshihen pas rrëzimit të helikopterit që i vrau familjen e saj.
“Birds of Prey” nga Cathy Yan
7 shkurt
Me pjesëmarrjen e aktorëve të njohur Margot Robbie, Mary Elizabeth Winstead, dhe Ewan McGregor, filmi flet për të famshmen Harley Quinn e cila është ndarë nga Joker, dhe është gati t’i luftojë vetë djemtë e këqinj.
“The Photograph” nga Stella Meghie
14 shkurt
Kur nëna e saj fotografe vdes papritur, Mae (Issa Rae) gjen te një fotograf nga e kaluara e nënës së saj një romancë për të cilën nuk e dinte kurrë. Ndërsa zbulon historinë e nënës së saj, ajo e gjen veten duke u dashuruar me gazetarin i ngarkuar për të bërë një shkrim për trashëgiminë e nënës së saj.
“The Last Thing He Wanted” nga Dee Rees
21 shkurt
Anne Hathaway, Ben Affleck, Willem Dafoe, dhe Rosie Perez, luajnë në një film që bazohet në novelën e Joan Didion. Kjo histori flet për një gazetare lufte e cila zbulon se historia që ajo po përpiqet të gjejë ka lidhje me të.
“Emma” nga Autumn de Wilde
21 shkurt
Anya Taylor-Joy, Bill Nighy, Johnny Flynn, Mia Goth, Miranda Hart, Josh O’Connor rikthejnë komedinë romantike të Jane Austen, me personazhin e saj të preferuar Emma.
“Mulan” nga Niki Caro
27 mars
Aktorët Yifei Liu, Donnie Yen, Jet Li, Ling Gong sjellin një film frymëzuar nga ai i animuar i Disney-t në 1998-n me të njëjtin titull. Një vajzë e re që maskohet si një burrë për të zënë vendin e babait të saj në ushtri.
“Black Widow” nga Cate Shortland
1 maj
Scarlett Johansson, Florence Pugh, Robert Downey Jr., Rachel Weisz dhe David Harbour sjellin krijimin e ri të Marvel Cinematic Universe.
“Wonder Woman 1984” nga Patty Jenkins
5 qershor
Gal Gadot, Pedro Pascal, Chris Pine, Kristen Wiig rikthehen me një sequel të Wonder Woman, vetëm se ngjarjet zhvillohen në vitet ’80, dhe këtë herë heroina Diana (Gadot) ka një armik të ri Cheetah (Wiig.)
“Misbehaviour” nga Philippa Lowthorpe
Data nuk është bërë publike
Keira Knightley, Jessie Buckley, Gugu Mbatha-Raë, Suki Waterhouse
Bazuar në një histori të vërtetë, filmi bazohet në një grup femrash që planifikojnë të shkatërrojnë garën e bukurisë të Miss World në Londër, 1970.
“On The Rocks” nga Sofia Coppola
Data nuk është bërë publike
Bill Murray, Jenny Slate, Rashida Jones, Marlon Wayans, Jessica Henwick sjellin një dramë-komedi që flet për një nënë të re (Jones) që takohet me babain e saj qejfli (Murray) për një aventurë në NY.
