Detaje të reja janë publikuar nga dhuna e pretenduar nga Amber Heard për bashkëshortin e saj drejt divorcit, Johnny Depp.
Publikimi i mesazheve që aktorja ka shkëmbyer me asistentin e Depp mund t’i japin një tjetër drejtim historisë. Në bisedat e tyre, jepen detaje mbi abuzimin e saj nga bashkëshorti, përfshirë edhe “goditjen me shqelma”. Mesazhet datojnë që nga muaji maj 2014, pra përpara martesës së tyre.
Në një prej mesazheve që mendohet të bëjë fjalë për Depp, 30-vjeçarja shkruan: “Ai e ka bërë këtë kaq shumë herë. Tokio, ishulli, Londra (e mban mend atë?!) dhe unë gjithmonë qëndroj. Gjithmonë mendoj që ai do të bëhet më mirë… Dhe çdo tre muaj, jam në të njëjtën pozitë.”
“Ai është i shokuar. Kur i thashë që të kishte gjuajtur me shqelma, filloi të qante,” shkruan bashkëbiseduesi, që mendohet të jetë asistenti i 52-vjeçarit, Stephen Deuters.
Ai vijon më tej duke i thënë aktores së Johnny “është një djalë i vogël i humbur” dhe që ka nevojë për ndihmë për ta kaluar situatën. Në padinë e ngritur nga Amber Heard, thuhet se Depp kishte qenë i dhunshëm verbalisht dhe fizikisht përgjatë lidhjes së tyre dhe konsumimi i alkoolit është cilësuar si një nga shkaktarët e sjelljes së tij.
Ndërkohë, së fundmi, një nga truprojat e Depp është dëgjuar duke thënë se Heard i ka shpikur dhe i ka fryrë akuzat, për të përfituar financiarisht nga divorci.
Ndërkohë që fotot e publikuara ekskluzivisht për “People” datojnë rreth dhjetorit 2015 dhe janë ruajtur nga Amber për të dëshmuar dhunën, që sipas saj Johnny ka ushtruar ndaj saj gjatë marrëdhënies së tyre.
Në dokumentat e paraqitura në gjykatë, Heard ka dhënë fakte për tre incidente specifike të dhunës, në dhjetor 2015, më 21 prill dhe më 21 maj por sipas aktores 30-vjeçare, Depp e ka dhunuar atë fizikisht dhe psikologjikisht gjatë gjithë marrëdhënies së tyre.
*Shfleto galerinë
Burimi; Daily Mail
