Mbrëmjen e kaluar Dua Lipa ka mbërritur në Prishtinë për të qenë pjesë e “Sunny Hill Festival”.
Bashkë me të është edhe i dashuri i saji ri, Anwar Hadid, i cili viziton Kosovën për herë të parë.
Nëpërmjet postimeve në rrjetet sociale duket se Anwar është mjaft entuziast për këtë vizitë.
Sapo kanë mbërritur ata janë akomoduar në vendin ku do të qëndrojnë dhe në një video të publikuar në Instastory nga Dua Lipa, Anwar shfaqet duke luajtur me vëllain e këngëtares, Gjin Lipa.
Pavarësisht se Dua dhe Anwar nuk kanë shumë kohë bashkë, ai paska një marrëdhënie të ngushtë me vëllain e partneres së tij.
“Sunny Hill Festival” starton ditën e sotme dhe e ftuara speciale e mbrëmjes është Miley Cyrus.
Mbrëmjen e kaluar edhe ajo ka mbërritur në Kosovë e veshur shumë thjesht dhe pritet që sot të dhurojë një performancë elektrizuese.
