Moderatorja Elita Rudi dhe reperi Gjiko, emri i vërtetë i së cilit është Asdren Gjikolli, kanë nisur më në fund muajin e mjaltit.
Çifti ka vendosur të pushojë buzë detit në ditët e fundit të shtatorit, por nuk zbulojnë vendin se ku ndodhen.
Ditën e sotme, është Gjiko ai që na shfaq një video plot humor shkëputur nga mëngjesi i vonë i çiftit. Elita, e cila është e veshur me të zeza dhe arrin të fshehë barkun e rrumbullakosur, është e pakënaqur me brioshët e nxehtë. Mirëpo bashkëshorti i saj e kthen situatën plot humor duke i thënë ta ftohë me pak kos.
Elita Rudi dhe Gjiko thanë “PO” në një dasmë madhështore që u mbajt në Prishtinë me 21 shtator. Ishte kryetari i bashkisë së Prishtinës, Shpend Ahmeti, ai që kurorëzoi në martesë çiftin kosovar.
Në media, ka qarkulluar prej disa muajsh lajmi se Elita është në pritje të ëmbël dhe se së shpejti do të bëhen prindër, por çifti ka zgjedhur të mos e komentojë lajmin.
