Ora ka kaluar 00:00 dhe tashmë data shënon 21 dhjetor! Ditën e sotme Kida feston ditëlindjen dhe bën 23 vjeç dhe po… mosha është thjesht numër.
Këngëtarja ka postuar menjëherë në rrjetet sociale një foto ku duket mjaft seksi e sigurisht ka falenderuar Zotin.
1po1. Faleminderit Zot për një tjetër vit (jetë). Shumë falenderuese për secilin prej jush!
Sakaq, ajo ka ndarë në rrjetet sociale edhe dhuratat e para, tortën dhe pamje nga dekorimi i shtëpisë së saj. Në foto shohim se ajo ka marrë disa buqeta me lule e po ashtu edhe pako të tjera, të cilat këngëtarja nuk i ka zbuluar.
Kidushi ka mbledhur në shtëpinë e saj mikeshat më të ngushta për të pritur së bashku orën 00:00 dhe datën 21 dhjetor. Në rrjet qarkullojnë shumë video nga festa e tyre, ku siç kuptohet nga pamjet po e djegin fare.
E meriton këtë super festë sepse ky vit ka qenë shumë i rëndësishëm për Kidën. Përtej faktit se na ka kënaqur të gjithëve me muzikë të bukur, duket se në 2020 ajo ka thyer paksa kornizat e gocës së “mirë” dhe “të pafajshme”.
Para disa ditësh ajo publikoi “Drunk”, ku siç nuk e kishim parë ndonjëherë, tregoi se mund të ishte edhe një repere shumë e mirë.
3 muaj më parë Kida solli “Edhe sa”, ku ndryshe nga si e kemi portretizuar si vajza e ëmbël dhe e mirë, këtë herë pamë një Kidë tjetër.
Vajza të bukura e moskokëçarëse, të pavarura, para, bixhoz e makina, është kjo panorama e përgjithshme e klipit.
E sigurisht, ajo është autore e hitit të verës “PP”, për të cilën bashkoi forcat me Mozzik dhe na dhuruan të dy një hit që do i mbijetojë kohës. Aktualisht kënga numëron mbi 50 milionë klikime.
