Valbona Selimallarin do të jetë pjesë e një projekti të ri shumë shpejt. Bëhet fjalë për emisionin më të ri që quhet “Ma jep dorën” që do të transmetohet në “Ora News”.
Ajo ka qenë e ftuar në emisionin ‘Mos i fol shoferit’ me Rudina Dembacaj ku dhe rrëfeu më shumë detaje për emisionin e saj të ri:
“Do jetë në Ora News. Akoma nuk është përcaktuar se kur do të fillojë transmetimi, por si koncept është bërë tashmë. Do titullohet ‘Më jep dorën’ dhe do jetë në ndihmë të atyre që vërtetë kanë nevojë për ne. Do të mundohemi t’ia ndryshojmë jetën, jo duke i çuar një trastë me ushqime. U duk si pavlerë, por ka vlerë, por që t’i ndihmosh vërtetë ata fëmijë është ti marrësh e të mos i lësh në rrugë.”, rrëfeu ajo.
Ndër të tjera Valbona shtoi se : “ Është një projekt goxha impenjativ me idenë për t’i hequr fëmijët e rrugës nga rruga për t’i shkolluar dhe nëse kanë talente, të mundohemi t’ia u nxjerrim, t’ia kultivojmë, t’i çojmë në shkollat e duhura dhe nesër të fitojmë nga kapaciteti i tyre dhe jo të lypin në rrugë e të fshijnë xhamat e makinave. Ka një problem shumë të madh që shoqëria jonë nuk i pranon thjesht dhe është një projekt që dua të punoj fort.”, përfundoi Valbona.
