Taylor Swift dhe Tom Hiddleston janë ndarë pas më pak se tre muajsh bashkë. Lajmi për ndarjen e çiftit të shumëpërfolur erdhi vetëm një ditë pasi burimi i brendshëm tha se, 26-vjeçarja ndihet në mënyrë të parehatshme me dëshirën e aktorit 35-vjeçar për bërë sa më publike romancën e tyre.
Por tashmë duket se Taylor është ndarë nga mashkulli që e prezantoi me prindërit, që veshi një kanotiere të shkruar “I Heart TS” dhe hodhi poshtë thashethemet se marrëdhënia e tyre ishte një gënjeshtër.
Sipas “Us Weekly”, ishte Swift që i dha fund: “Tom dëshironte që marrëdhënia të ishte më shumë publike, por ajo nuk ndihej komode. Taylor i dinte reagimet e publikut kur dashuria bëhet publike, por Tom nuk i dëgjoi shqetësimet e saj”.
Hiddleston, nga ana e tij, “është në siklet pasi marrëdhënia e tyre dështoi”. Dyshja pati debatin e tyre të parë në gusht dhe nxitimi i marrëdhënies ishte ajo që e çoi atë më shpejt drejt fundit, sipas burimit.
“Askush nuk mund ta mbajë dot në kontroll atë vrull. Ata ia dolën mirë dhe do të qëndrojnë miq, por ata nuk e shohin se mund të funksionojë nga ana romanike në këto momente”, thotë burimi.
As Swift dhe as Hiddleston nuk kanë dhënë asnjë koment për ndarjen e tyre deri më tani.
Burimi: Elle/ Daily Mail
