Si duket një ditë pas ndarjes këngëtarja me famë botërore? (FOTO)

Taylor Swift po e mban kokën lartë, pasi i dha fund romancës së saj 3-mujore me Tom Hiddleston.

Këngëtarja 26-vjeçarja u shfaq për herë të parë pas ndarjes në rrugët e Nju-Jorkut të martën, ndërsa u zbulua se ishte vendimi i saj pasi nuk pëlqente “dashurinë në qendër të vëmendjes” të Tom-it.

Me një paraqitje sportive me streçet me dizajnë dhe kanotierën e zezë, Taylor u shfaq e buzëqeshur ndërsa ecte e krekosur në trotuar, me një gjendje të mirë shpirtërore pas dështimit të marrëdhënies së saj të fundit.

Buzëqeshja në fytyrën e Taylor na tregon se ajo ndihet e lumtur për vendimin që mori dhe shumë pozitive, nëse do t’i besojmë paraqitjes së jashtme.

Pas ndarjes së tyre thuhet se gjërat mes dyshes do të qëndrojnë në raportin e shoqërisë. “Tom është një djalë i mirë, por nuk ka hapësirë për të në jetën e saj. Ajo nuk kërkon një marrëdhënie serioze, ndërsa është një femër e pavarur”, kështu u shpreh pak ditë më parë një burim i afërt mes dyshes.

Lajmi për ndarjen e tyre u zyrtarizua mbrëmjen e së martës, me arsyen se “Tom dëshironte që marrëdhënia të ishte më shumë publike, por ajo nuk ndihej komode”.

Burimi: Daily Mail