Real Madrid dhe kapiteni i tyre Karim Benzema kanë rënë dakord t’i japin fund aventurës së tyre të paharrueshme së bashku.
Ka qenë faqja zyrtare e klubit spanjoll që ka zyrtarizuar ndërprerjen e bashkëpunimit me marrëveshje të dyanshme me futbollistin.
Real Madridi ka treguar mirënjohjen dhe ka falënderuar sulmuesin francez për kontributin e dhënë në këto 14 vite me fanellën e Los Blancos.
Kryeqytetasin kanë paralajmëruar se të martën e 6 qershorit nga ora 12:00, klubi ka vendosur që të organizojë një konferencë për shtyp ku do t’i jepet lamtumira sulmuesit francez.
Benzema ka vendosur të transferohet në Arabinë Saudite, kontrata e të cilit do të jetë me një pagë prej 100 milionë euro në sezon.
Në 647 ndeshje në total me fanellën e Real Madrid, Benzema ka shënuar 353 gola dhe ka asistuar 165 herë. Ai gjithashtu fitoi edhe “Topin e Artë” me “Los Blancos”.
