Është zbardhur dinamika e vdekjes së trishtë të 17-vjeçares, pushuese në Velipojë, e cila u gjet e pajetë 700 metra larg bregut të detit.
Sipas Report tv, Enisa Doda kishte dale me motor uji në det bashkë me 25-vjeçarin, Indrit Bajraktari, i cili doli në breg në breg duke lënë të mbytur në ujë vajzën.
Kanë qenë pronarët e motorit të ujit ata të cilët kanë nisur kërkimet në det, pasi të rinjtë kishin paguar për vetëm 30 minuta. Ata takuan fillimisht të riun i cili në dëshminë e tij ka gënjyer.
Ai po kthehej me not në breg dhe kur është pyetur nga pronarët e skafit ka deklaruar se “vajzën e ka marrë xhaxhai i saj”.
Trupi i saj i pajetë është gjetur nga peshkatarët pas rreth 15 minutash dhe nga hetimet paraprake kishte shenja dhune.
Për humbjen e trishtë të vajzës, ka reaguar i ati i saj, Lezan i cili ka shkruar një mesazh prekës për ndarjen nga jeta të vajzës së tij të vogël.
“U prefsh në paqe zemra e babit zoti të mori shpejt fizikisht por jo shpirtërisht. Qofsh e xhenetit”, shprehet Lezan Doda.
Doda është me origjinë nga Burreli, por banues në Bathore. Për ngjarjen e rëndë është ndaluar Indrit Bajraktari nga Postriba ku po merret në pyetje.
25-vjeçari ishte emigrant në Londër dhe kishte ardhur në Shqipëri për pushime. Ai dyshohet se e kishte njohur vajzën gjatë pushimeve në Velipojë me anë të rrjetit social Facebook.
Njoftimi i Policisë
Vihet në pranga një 25-vjeçar për ngjarjen e ndodhur në Velipojë ku humbi jetën si pasojë e mbytjes në det një 17-vjeçare.
Strukturat hetimore të Drejtorisë Vendore të Policisë Shkodër në bashkëpunim me Shërbimet e Policisë Velipojë, menjëherë pas ngjarjes së ndodhur ku humbi jetën si pasojë e mbytjes në det një 17-vjeçare, organizuan punë nën drejtimin e Prokurorisë së Rrethit Gjyqësor Shodër për zbardhjen e rrethanave të ngjarjes.
Në përfundim të veprimeve të para hetimore u bë arrestimi në flagrancë i shtetasit:
– I. B., 25 vjeç, banues në fshatin Kullaj, Njesia Administrative Postrribë Shkodër.
Nga tërësia e veprimeve hetimore rezultoi se më datën 19.08.2020, rreth orës 14:00, në vendin e quajtur Vilu, plazh Velipojë Shkodër, ky shtetas ka hyrë në det me motorr uji të marrë me qera së bashku me shtetasen E. D., 17 vjeçe, banuese në Bathore.
Rreth orës 16:30, ky shtetas ka dalë në breg pa motorin e ujit duke lënë të mbytur në ujë shtetasen E. D., e cila kishte ardhur për pushime së bashku me familjen e saj.
Në cilësinë e provës materiale u sekuestrua çelësi i motorrit.
Materialet i kaluan Prokurorisë pranë Gjykatës së Shkallë së Parë Shkodër për veprime të mëtejshme për veprat penale “Shkaktimi i vetëvrasjes”, “Moskallëzimi i krimit” dhe “Veprime që pengojnë zbulimin e së vërtetës”.
