Pas kësaj iniciative pritet që të “shkunden” themelet e institucionit fetar, kishës. Ka qenë kisha e Suedisë që ka ndërmarrë një iniciativë, duke menduar se ka ardhur momenti që Zoti të mos quhet më “ai” apo “zotëri”, pasi mundësia e gjinisë femërore të Zotit është një opsion i mundshëm.
Në këto rrethana është më mirë që Zotit të mund t’i referohemi pa stigmatizuar gjininë mashkullore apo femërore. Zoti mund të jetë me “gjini neutrale” (pa gjini).
Kanë qenë Evangjelikët që e kanë nisur si fillim këtë ide për të ndërhyrë në Bibël e për të korrigjuar të gjitha referimet e Zotit si “Ai”.
Ende nuk ka një vendim final, sepse ky mendim ka hasur kritika nga persona të tjerë brenda kishës, të cilët mendojnë se kjo lëvizje do të bëhet shkas për një debat të gjerë brenda fesë së tyre.
