Një 59-vjeçar nga Shqipëria ka humbur jetën sot në spitalin e Athinës, pasi ishte një ndër të plagosurit nga zjarri i madh që pushtoi qytetin e Atikës në Greqi.
Ambasada shqiptare në Athinë ka konfirmuar se bëhet fjalë për shtetasin Viktor Ceko, 59 vjeç, i cili bëhet viktima i 87 i konfirmuar i vdekur deri tani nga kjo tragjedi.
Në morgun e Athinës, është në përfundim procesi i dhënies së kampioneve të ADN-së, ndërsa ekspertët thonë se deri pasditen e së shtunës do të kenë mbaruar identifikimin e një pjese të mirë të 86 trupave të gjetur.
59-vjeçari është viktima e dytë e konfirmuar pas shtetases Nice Leka me origjinë nga fshati Leshnicë i Sarandës.
Gruaja u gjet e shkrumbuar në banesën e saj në zonën e quajtur Mati, një nga lagjet më të prekura nga zjarret.
