Të paktën 53 njerëz kanë vdekur dhe më shumë të tjerë janë plagosur pas zjarreve që pushtuan pyjet dhe fshatrat përreth kryeqytetit grek, Athinë.
Numri i të vdekurve u rrit ndjeshëm të martën pasi u gjetën 26 trupa pranë qytetit të Rafinës, sipas punëtorëve të Kryqit të Kuq dhe kryetarit të bashkisë së qarkut, Girgos Kokkolis.
Sipas zyrtarëve, më shumë se 150 njerëz janë lënduar nga zjarri, i cili shkatërroi shtëpi, lidhjet kryesore të transportit dhe detyroi njerëz që të iknin nga shtëpitë e tyre.
Ndërkohë Ora News ka kontaktuar me ambasadën shqiptare në Athinë, e cila është shprehur se deri tani nuk ka të dhëna se mes viktimave të zjarrit të ketë edhe shqiptarë.
Ambasada informon se është në komunikim të vazhdueshëm me përfaqësuesit e komunitetit në zonat e goditura nga zjarri dhe autoritetet lokale.
Ambasada shqiptare në Athinë ka vendosur në dispozicion numrin . +30 6941658183 për çdo shqiptar që ndodhet në zonën e rrezikut dhe kërkon ndihmë.
