Pak ditë pas zjarrit masiv që përpiu qytetin bregdetar Atika në Greqi, autoritetet kanë zbuluar shkakun e zjarrvënies.
Ministri i Mbrojtjes, Nikos Toskas ka theksuar se ekzistojnë prova për zjarrvënie të organizuar. Në deklaratën e tij për mediat ai ka thëne se zjarrvënia ishte e qëllimshme dhe kushtet ekstreme te motit të keq kanë qenë shkaku i tragjedisë.
“Sa i përket hetimeve që po bëhen nga grupi hetimor i Departamentit të Zjarrfikësve në bashkëpunim me Policinë Greke, do doja te tregoja me anën e disa imazheve të paraqitura se kemi të dhëna serioze dhe gjurme të rëndësishme për veprimtari kriminale që kanë të bëjnë me zjarrvënie”, u shpreh Nikos Toskas.
Zëdhënësi i qeverisë greke, Dhimitris Tzanakapoulos në një deklaratë për mediat greke ka deklaruar se kryeministri i vendit Alexis Tsipras ka urdhëruar një hetim të plotë rreth shkaqeve të zjarreve ku si pasojë e humbën jetën 85 persona mbetën të plagosur qindra të tjerë në Attika.
Kryeministri urdhëroi që dosja e çështjes t’u dërgohet autoriteteve gjyqësore, në mënyrë që t’i paraqitet popullit grek të gjitha dëshmitë qe ka qeveria ne dispozicion.
