Gjatë natën, në spitalin e Durrësit ka rënë zjarr i cili mendohet të ketë ardhur nga kabinat elektrike të spitalit.
Policia e Durrësit ka reaguar lidhur me zjarrin e rënë, duke konfirmuar se pesë pacientë janë asfiksuar dhe janë dërguar në Spitalin e Traumës në Tiranë për mjekim më të specializuar.
Njoftimi i policisë
Më datë 11.01.2020, në orën 00:25, në repartin e ortopedisë në spitalin e Durrësit, ka rënë zjarr, i cili ka përfshirë kabinat elektrike të pavijonit.
Menjëherë kanë shkuar forcat e Policisë dhe zjarrfikësit.
Shërbimet e Policisë, zjarrfikësit dhe personeli kanë bërë të mundur evakuimin e të gjithë pacientëve nga të katër katet e pavijonit duke i transferuar në një pavijon tjetër.
Si pasojë e zjarrit janë asfiksuar 5 pacientë, të cilët janë dërguar në spitalin e traumës në Tiranë, për mjekim të specializuar dhe ndodhen jashtë rrezikut për jetën.
Nga veprimet e para hetimore rezulton se shkaku i zjarrit ka ardhur si pasojë e përfshirjes nga zjarri të katër kabinave elektrike të katër kateve, ku zjarri fillimisht ka nisur në katin e parë dhe ka vazhduar deri në katin e katërt.
Burimi: Lapsi.al
