Një dron iranian u rrëzua në ndërtesë duke shkaktuar një zjarr në katet e para të hotelit ikonik Burj Al Arab. Rreth të njëjtës kohë, një sulm iranian në aeroportin e Dubait plagosi katër persona dhe shkaktoi dëme të kufizuara, thanë autoritetet lokale.
BREAKING: Iranian drone hit the five-star Burj Al Arab hotel in Dubai, UAE.
The 321-meter, 60-story tower stands on an artificial island. pic.twitter.com/SZaJrAUq3n
— Clash Report (@clashreport) February 28, 2026
Më herët, një dron iranian goditi Palm al Jumeirah, një nga zonat më turistike dhe luksoze në Dubai. Videot treguan flakë dhe një kolonë tymi që ngrihej në qiell, ndërsa dëgjoheshin sirena dhe zëra banorësh dhe turistësh.
Mbrojtja Civile e Dubait konfirmoi se zjarri që u shkaktua tani është nën kontroll. Katër persona u plagosën dhe u dërguan në spital. Sulmi u krye në shenjë hakmarrjeje për operacionin ushtarak të nisur nga SHBA-të dhe Izraeli kundër Iranit.
Cfare po ndodh?
Izraeli dhe Shtetet e Bashkuara nisën një sulm ndaj Iranit këtë të shtunë në atë që e cilësuan si ‘sulm parandalues’. Njoftimin e bëri ministri i mbrojtjes, Israel Katz teksa shpalli gjendje të jashtëzakonshme në të gjithë vendin. Mediat raportojnë për 201 të vrarë e 747 të plagosur pas sulmit në Iran.
Një zyrtar izraelit ka deklaruar se nga sulmet është vrarë lideri suprem i Iranit, Ali Khamenei. Viktima kanë mbetur edhe dhëndri i tij së bashku me bashkëshorten. Mediat izraelite raportojnë se Khamenei mund të jetë vrarë, një informacion ky ende i pakonfirmuar zyrtarisht. Teherani e ka mohuar që të jetë vrarë, ndërsa mediat thonë se ai mund të shfaqet në televizion përmes një fjalimi.
