Një vajzë e vogël ka humbur jetën sot pas një zjarri që përfshiu barakat e komunitetit rom në Shkodër.
13-vjeçarja e cila i përket këtij komuniteti, ishte duke fjetur në momentin që ka rënë zjarri dhe nxjerrja e saj ishte e pamundur.
Familjarët e kanë gjetur vajzën Gj., D., të djegur në një prej barakave të familjes Dashi.
E mitura mësohet se jetonte në Shtëpinë e Fëmijës në Tiranë dhe sipas familjarëve ishte marrë për të qëndruar disa kohë me ta.
Burimet nga vendngjarja bëjnë me dije se flakët janë përhapur në pak minuta dukë përfshirë disa baraka, në të cilat strehoheshin disa familje.
Shkak i zjarrit dyshohet të jetë bërë një pajisje ngrohëse. Policia ndodhet në vendngjarje dhe po punon për zbardhjen e plotë të saj.
