Ndërsa të gjithë prisnin të shihnin nëse Princi Harry dhe Meghan Markle do të merrnin pjesë në ceremoninë e kurorëzimit të Mbretit Charles, njoftimi nga pallati se djali i tij i dytë do të marrë pjesë i vetëm ka rindezur thashethemet e ndarjes. Që kur Pallati Buckingham konfirmoi se Princi Harry do të marrë pjesë i vetëm në kurorëzimin e babait të tij, duke lënë pas Meghan Markle dhe dy fëmijët e tyre, thashethemet për një ndarje janë rikthyer.
“In Touch Weekly” ka disa ditë që raporton se çifti tashmë ka vendosur të ndahet. Meghan Markle mendon se për shkak të librit të Princit Harry, ajo humbi mundësinë për të fituar miliona dollarë. Madje thuhet se ajo e kishte informuar për qëllimin e saj për t’u divorcuar menjëherë pas fronëzimit të mbretit Charles. Nuk janë të paktë ata që e shohin çiftin e dashur në prag të ndarjes pas autobiografisë së Princit Harry.
Përmendja e përdorimit të substancave nga princi Harry në autobiografinë e tij të bujshme “Spare” thuhet se ka dobësuar, nëse jo eliminuar, çdo mundësi që ata të përfshihen në politikë. Kjo mund të ketë qenë pika e fundit për Meghan Markle.
Ajo nuk e pa karrierën e saj të ngrihej dhe marrëdhëniet e saj me familjen mbretërore u kthyen në një luftë të pamëshirshme. Ndërkohë shumë persona të njohur që i kanë mbështetur në “revolucionin” e tyre po largohen nga çifti.
