Nëse doni (e nëse i keni aq para) rezidenca luksoze e Cristiano Ronaldos dhe Georginës mund të bëhet e juaja. Çifti ka dhënë me qira për 10 mijë euro në muaj rezidencën luksoze në Spanjë. Është një vend unik, me 4,000 metra katrorë, katër kate dhe një garazh të madh ku, çuditërisht, disa nga makinat e Cristianos janë ende aty.
Ajo është një shtëpi me shumë dhoma gjumi, tualete dhe një ekip të plotë sigurie. Dekorimi i shtëpisë është shumë i veçantë dhe përveç kësaj është e rrethuar nga një kopsht i gjerë dhe një tarracë e madhe me një pishinë.
Shtëpia ka një palestër me pajisjet më të fundit të teknologjisë, e po ashtu një fushë futbolli pranë pishinës së jashtme, ku nuk mungojnë shezllone dielli dhe karrige.
