Ditën e sotme, 8 pjesëtarët e familjes Lala që humbën jetën në tërmetin shkatërrues të 26 nëntorit, po përcillen për në banesën e fundit.
Në qytetin e Durrësit ka rënë zia.
Homazhet për të ndjerët po zhvillohen në Pallatin e Kulturës, ku të pranishëm janë edhe presidenti Ilir Meta dhe kryeministri Rama.
I vetmi i mbijetuar nga vila 3-katëshe e familjes Lala, e cila u rrënua plotësisht, është 17-vjeçari Ramë Lala, i cili është nisur drejt Italisë për të marrë një mjekim më të specializuar.
