Manjola Nallbani ka humbur ditën e sotme një nga njerëzit e saj më të afërt. Këngëtarja ka njoftuar përmes një postimi në rrjete sociale se xhaxhai i saj është ndarë nga jeta, duke lënë pas shumë dhimbje tek të gjithë familjarët.
Manjola ka postuar në Instagram një foto përkrah xhaxhait të ndjerë dhe i ka bërë një dedikim prekës. Ajo shprehet se atë e ka pasur në vende të të atit dhe se përveçse humbi një njeri të afërt, humbi edhe një njëri të mençur e shpirt madh.
View this post on Instagram
“Une nuk kam fjale ta shpreh dhimbjen e ikjes tende! Dhe pse kishe shpirtin plot se kishe djalin, gruan, vajzat e niperit, vellain e motrat,mua me thoje … nuk te kam mbese te kam goce dhe une te kisha ne vend te babit! Une humba me ty jo xhaxhain po njeriu e mencur, shpirt madh si rralle kush e mikun qe nuk do ma zevendesoje askush! Qofsh i parajses zemra jone! Dua te te kujtojme keshtu”, shkruan Nallbani.
Pas këtij postimi miq e ndjekës i kanë shprehur menjëherë ngushëllimet më të sinqerta këngëtares.
