Këngëtarja e njohur Lana Del Rey ka shfaqur një sjellje të pazakontë në Paris kur pa disa njerëz që e ndiqnin rreth qytetit. Këngëtarja e “Summertime Sadness” mund të shihet në një video virale duke dalë nga një dyqan dhe duke u shfaqur e befasuar kur sheh një person që e filmon.
“Mos”, thotë ajo përpara se të përpiqet t’i rrëmbejë telefonin nga dora personit.
Del Rey më pas nxehet edhe më shumë në një video tjetër të publikuar, në të cilën ajo përballet me një grup më të madh njerëzish, duke thënë: Më ndoqët teksa jam me familjen time! … Ikni prej meje!
Këngëtarja më pas fillon të largohet, por kthehet për të thënë: Mos më ndiqni!
Kur një person tjetër në grup duket se përpiqet të qetësojë situatën, Del Rey ia kthen menjëherë: Jam e mërzitur. Mos i lini të më ndjekin. Kam vetëm një ditë këtu. Unë punoj çdo ditë. Kam katër orë për veten time.
Këngëtarja e “Born to Die” doli në skenë para pak ditësh në festivalin Primavera Sound Porto në Portugali.
