Të bëhesh pjesë e familjes mbretërore kërkon edhe shumë kompromise apo sakrifica. Pavarësisht se deri më dje nuk kishim parë asnjë ndryshim nga Meghan Markle, mësuam se nga protokolli i familjes mbretërore nuk është askush i paprekshëm.
Pasi zyrtarizoi fejesën e Princin Harry në dhjetor, Meghan la karrierën si aktore në serialin “Suits” dhe u zhvendos në Londër. Tashmë nga dita e djeshme nuk e gjeni më në asnjë rrjet social, “Facebook”, “Instagram” apo “Twitter”.
Ajo njihej për postimet lidhur me punët vullnetare dhe fotografimin e dy qenve. Por asnjë nga profilet e saj nuk është më i disponueshëm që nga e marta.
Është një lëvizje që ka kuptim duke marrë parasysh marrëdhënien e saj me të fejuarin.
Një fakt që ndoshta e dini: asnjë nga pjesëtarët e familjes mbretërore nuk ka profilin e tij personal në rrjetet sociale. Ajo gjithashtu mbylli blogun e saj personal “The Tig”, në prill.
Burimi: TIME
