Një 7 vjeçar është zhdukur që prej ditës së shtunë të datës 1 dhjetor 2018 në lagjen 13 të Durrësit.
Frenkli Vokli, i cili shkon në shkollën “Bajram Curri” i kishte thënën të ëmës mbrëmjen para se të humbte gjurmët se e kërcënonin drogaxhinjtë:
“Frenkli është 7 vjeç por është shumë i zgjuar. Një natë para më tha se aty te shkolla mblidheshin ca që pinin drogë dhe e kërcënonin”.
“Newsbomb.al” kontaktoi me të ëmën e 7-vjeçarit të humbur Luljeta Vokli e cila është në gjendje tejet të rënduar psikologjike dhe ka nevojë për ndihmën e të gjithëve për të gjetur të voglin e saj.
Nëna e Frenklit ka sqaruar se i biri, mëngjesin e së shtunës mbante veshur një pale xhinse, një triko sportive blu me shirita dhe këpucë.
Sipas zonjës policia e Durrësit nuk është interesuar aspak për denoncimin e saj. Nëna kërcënon me vetëflijim nëse të birit i ka ndodhur diçka.
Ndërkaq, ajo bën apel për ndihmë dhe vë në dispozicion këtë numër kontakti.
