Në një kohë kur vaksina kundër Covid-19, që po mundon edhe vendet më të fuqishme prej muajsh, ende nuk është krijuar pavarësisht përpjekjeve të shumta, bota i ka drejtuar sytë nga një zgjidhje jo eksperimentale, por e vjetër dhe efektive, për të cilën ju kemi folur më parë: plazma konvaleshente. (KLIKO)
Kjo çështje u soll në vëmendje pasi Arben Bajo, skulptori i njohur humbi jetën nga Covid-19, ndërkohë që familja dhe miqtë e tij kishin bërë thirrje që t’i sigurohej gjak nga persona të cilët e kishin kaluar Covid-19, por fatkeqësisht vendi ynë si në shumë aspekte, edhe në përdorimin e plazmës është i vonuar dhe kjo vonesë përkthehet në HUMBJE JETE.
Arben Ivanaj sqaron mundësitë dhe efektivitetin
- Trajtimi me anë të plazmës tashmë i mundur
Mjeku hematolog, Arben Ivanaj në një intervistë për “ABC News” foli për përdorimin e plazmës dhe efektin e saj në parandalimin e Covid-19. Ai shpjegoi se trajtimi me anë të plazmës për të sëmurët e infektuar me koronavirus dhe që kanë antitrupa tashmë është e mundur.
“Është një teknikë që ka dhënë rezultate, por rezultate të cilat pritet të rikonfirmohen në studime më të besueshme. Të përdoret trajtimi me anë të plazmës të të sëmurëve të infektuar tashmë dhe që kanë antitrupa me COVID-19 është e mundur. Plazmën e përdorim çdo ditë, plazmën përdorin të gjitha spitalet tona pa përjashtim. Nuk është një teknikë e vështirë. Ajo që duhet bërë para se të përdorim plazmën është që të masim titrën e antitrupave. Të kemi një kemi një titër antitrupi sa më të lartë në plazmën e donatorit”, sqaroi ai.
- Një teknikë e thjeshtë, qoftë edhe në spitalet rajonale
Ivanaj sqaroi se si teknikë marrja e plazmës qoftë në spitalet tona rajonale është një teknikë relativisht e thjeshtë. Problemi qëndron tek indikacioni dhe se çfarë pritet nga ky lloj medikamenti.
“Kam dëgjuar se nëse do të përdoret plazma atëherë problemi do të zgjidhej. Të mos krijojmë iluzione, pasi edhe atje ku është përdorur plazma vdekshmëria nga COVID-19 nuk ka qenë më e ulët. Sëmundjet shoqëruese si sëmundjet malinje, të kancerit të gjakut, janë ato që favorizojnë. Sëmundjet kronike po ashtu favorizojnë përkqësimin e këtij infeksioni. Është parë që ky virus sillet ndryshe me individë të ndryshëm. Pra ka ende shumë punë për tu verifikuar. Ata që insistojnë në trajtimin e kësaj patologjie, duhet ta trajtojnë sëmundjen pa filluar doza pulmonare”, tha Ivanaj.
Në Shqipëri, qindra centrifuga! Ku tjetër aplikohet kjo metodë?
Centrifuga është një paisje që përdoret për marrjen dhe aplikimin e plazmës. Në një centrifugë laboratorike mostra hidhet në tuba, përshpejtimi radial shkakton që grimcat më të rënda (me ngjyrë të kuqe)të vendosen në fund të tubit, ndërsa substancat me densitet të ulët (me ngjyrë të verdhë) të ngrihen në sipërfaqe.
Duhet të theksohet se efektet e dobishme të plazmës dhe trombociteve në qelizat e trupit përdoren gjerësisht në klinikat e bukurisë. Po ashtu, edhe stomatologët e shohin si teknikë të dobishme në përgatitjen e zgavrës me gojë të pacientit para transplantimit të implantit dhe në trajtimin kompleks të sëmundjes së rëndë parodontale.
Plazmolifikimi përdoret për të rikthyer elasticitetin e lëkurës dhe muskujve pas trajtimit të mbipeshës, parandalimin e rënies së flokëve, përdoret për t’u rikuperuar nga operacionet, dëmtimet dhe djegiet. Meqenëse metoda është mjaft e thjeshtë dhe nuk ka efekte anësore, përdoret gjerësisht nga klinikat e kozmetologjisë.
Thirrja e presidentit Ilir Meta për Ministrinë e Shëndetësisë
Presidenti Ilir Meta i ka bërë një thirrje në rrjetet sociale Ministrisë së Shëndetësisë për të siguruar së pari të gjitha aparaturat që bëjnë të mundur aplikimin e plazmës dhe të kërkohet ndihmë nga Italia për asistimin me specialistë, si një vend me eksperiencë të spikatur për vënien në zbatim të këtij protokolli. Meta thotë se kjo do të mundësonte një aplikim të suksesshëm dhe zbatim strikt të këtij protokolli, dhe do të evitonte edhe pasaktësitë dhe pasiguritë e vënies së saj në praktikë.
https://www.facebook.com/1477517792294489/posts/3242958679083716/
Atëherë, pse institucionet përgjegjëse nuk po reagojnë ende?
Fatkeqësisht, përpjekjet e vendit tonë në këtë drejtim lënë për të dëshiruar, teksa shefi i laboratorit të mikrobiologjisë në QSUT, Andi Koraqi, pranoi në një intervistë për RTV Klan se Shqipëria është e vonuar në këtë drejtim, por shtoi se thjesht është në plan për të filluar si praktikë dhe nuk ka ende asnjë detaji tjetër.
Pyetja e madhe në këtë rast është KUR? Studimet shkencore deri në këtë moment e konfirmojnë terapinë me plazmë, si një terapi të sigurtë dhe potencialisht të dobishme. Në këto kushte mbetet ende e paqartë se përse vendi ynë nuk po reagon sa është në kohë, por po vonohet çdo ditë e më shumë teksa vjeshta është shumë afër…
LEXO EDHE
