Koronavirusi i ka tejkaluar parashikimet në Kosovë dhe për këtë arsye janë marrë masa të rrepta për të parandaluar përhapjen e mëtejshme. Edhe shumë personazhe shqiptarë janë infektuar me Covid-19 dhe së fundmi është konfirmuar pozitiv një artist i njohur.
Mediat e Kosovës bëjnë me dije se koronavirusi ka prekur këngëtarin, Korab Shaqiri, ndërkohë që për gjendjen e tij shëndetësore nuk jepen shumë informacione. Vetë Korabi ka ndare së fundmi në rrjete sociale një foto në të cilën shfaqet me maskë dhe ka shkruar: “Edhe pak ditë!”. Siç duket Korabi duhet të ketë disa ditë i infektuar dhe ndoshta i duhet ende pak kohë që t’i kthehet normalitetit.
Ndërkohë ditën e djeshme kryeministri i Kosovës, Avdullah Hoti prezantoi në një konferencë për shtyp masat e reja anti-Covid, duke njoftuar se ndahen në tri grupe.
Kështu, mësimi në universitete do të zhvillohet online, ndërsa për pjesën tjetër qëndrojnë akoma masat e mëparshme, ndërkohë në komunat me rrezik të ulët, janë lejuar operatorët ekonomikë të punojnë nga ora 05:00 deri në 20:00.
Grupi i dytë me rrezik të mesëm do të punojnë nga ora 05:00 deri në 18:00, gastronomia po ashtu deri në orën 18:00, kurse në grupin e tretë që përfshihen shtatë komuna, do të mbyllet çdo aktivitet duke filluar nga ora 19:00. (Kliko)
