Aktori legjendar Sylvester Stallone do shfaqet shumë shpejt në një ‘reality show’, të quajtur “The Family Stallone”. Pjesë e serialit do jetë aktori, gruaja dhe tre vajzat e tyre. Premiera do jepet më 17 maj në SHBA, Kanada, Amerikën Latine dhe Brazil, e të nesërmen në Britani të Madhe, Australi dhe Itali.
Seriali pa skenar do t’u japë shikuesve një shans për të njohur gruan e Stallone, Jennifer Flavin Stallone, e cila është një biznesmene dhe bashkëpronare e markës Serious Skin Care Wellness. Përveç kësaj, shikuesit do të takojnë tre vajzat e çiftit, të cilat janë të gjitha në rrugë të ndryshme; më e vjetra, Sophia, po gjen ende fokusin e saj dhe bashkë-prezanton podcastin “Unwaxed” me Sistine; Sistine, aktore dhe modele e së cilës po zhvillon filmin e saj të parë artistik; dhe Scarlet është duke punuar në karrierën e saj të aktrimit.
Traileri i ri ofron një paraqitje të shkurtër të familjes Stallone në shtëpi dhe në punë. Por ata nuk janë të vetmet fytyra të njohura në shfaqje; Al Pacino dhe Dolph Lundgren do shfaqen aty.
“The Family Stallone” është prodhuar nga MTV Entertainment Studios. Benjamin Hurvitz, Jessica Zalkind, Nadim Amiry, Julie Pizzi, Farnaz Farjam dhe Jonathan Singer janë producentë ekzekutivë.
