Universitetet në Shqipëri vijojnë t`i shpenzojnë për luks të ardhurat që fitojnë nga studentët.
Sipas raportit të publikuar nga Qëndresa Qytetare, vetëm 0.9 për qind e fondeve shkojnë për libra dhe kërkim shkencor, ndërsa nga ana tjetër, shuma marramendëse janë shpenzuar për orendi, automjete, karburant, internet dhe telefon.
Nga muaji shtator i vitit të kaluar dhe deri në shkurt të këtij viti Universiteti “Fan S. Noli” në Korçë ka shpenzuar 24.000 euro karburant, Universiteti “Aleksandër Xhuvani” i Elbasanit 22.000 euro. Ndërkohë që Universiteti i Shkodrës ka blerë një automjet në vlerën 24.000 euro.
“Pesë universitete nga shtatë kanë shpenzuar zero lekë për zërin e kërkimit shkencor, ndërsa 3 universitete nuk kanë blerë asnjë libër për studentët”, shprehet Rigels Xhemollari nga Qëndresa Qytetare.
/Ora News
