Mbrëmë u mbajt “MTV Europe Music Awards 2022” ku vëmendje të madhe morën edhe këngëtaret me origjinë shqiptarë si Rita Ora, Bebe Rexha, Ava Max si dhe Loredana.
Rita ishte prezantuese së bashku me Taika Waititi. Nga ana tjetër, Loredana fitoi “Best Swiss Act” ndërsa Bebe Rexha dhe David Guetta fituan çmimin “Bashkëpunimi më i mirë”.
Mirëpo, Rita nuk harroi të tregonte se ajo dhe Bebe janë shqiptare. Vajzat ndodheshin në skenë dhe Rita iu drejtua Bebes: “Ti je motra ime shqiptare”.
Bebe Rexha është një këngëtare kaq shumë e dashur për publikun shqiptar por edhe atë ndërkombëtar. Mirëpo, shpeshherë ajo kritikohet për peshën e saj trupore ku përballet me lum komentesh në rrjete sociale.
Mirëpo, ajo ka zbuluar së fundmi edhe problemin shëndetësor që ka. Artistja me famë botërore ka bërë me dije se vuan nga sindroma e vezoreve policistike e quajtur ndryshe si PCOS.
Për këtë arsye, marrja e medikamenteve e bën atë që të mos humbë peshë.
“Sapo kuptova se kam PCOS, kështu që plus ilaçet e mia, e bëjnë kaq të vështirë humbjen e peshës. Unë kurrë nuk do të jem ‘heroinë e elegancës’”, shkroi Bebe në Twitter.
Simptomat e PCOS japin parregullsi menstruale, rritje e tepërt të flokëve, akne dhe mbipeshë.
