Fionnuala Ni Aolain, zëdhënëse e OKB për çështjet e terrorizmit, kritikon ashpër vendet që nuk kanë riatdhesuar qytetarët që janë në kampet e Sirisë, përfshirë edhe Shqipërinë.
Kushtet në kampe janë torturuese, thotë ajo për Radion Suedeze SVT News.
Mijëra të burgosur me lidhje me grupin terrorist islamik IS janë në kampe përqendrimi në Sirinë veriore. Por sipas Fionnuala Ni Aolain, shumica dërrmuese e atyre që mbahen në kampe janë fëmijë të pafajshëm me qasje shumë të kufizuar në kujdesin mjekësor.
– Pothuajse gjysma janë nën gjashtë vjeç. Sëmundjet e zakonshme të fëmijërisë në kombinim me mungesën e ushqimit krijojnë kushte për sëmundje kronike mjekësore tek fëmijët, thotë ajo.
– Me mandatin që kam, gjatë vizitës në të dy kampet kam konstatuar që kushtet e trajtimit të fëmijëve janë çnjerëzore dhe degraduese, në shkelje të ligjit ndërkombëtar, kushtet më të këqija që mund të imagjinojmë për njerëzit.
Kërkon veprim nga vendet e origjinës
Fionnuala Ni Aolain është shumë kritike ndaj vendeve evropiane, të cilat, megjithë thirrjet nga OKB, nuk kanë marrë ende në vendet e tyre qytetarët e burgosur në kampe, të cilat ajo i krahason me burgun famëkeq ushtarak amerikan Guantanamo.
– Ne nuk mund të kemi një vrimë të zezë ligjore, ku njerëzit mbahen pa ndonjë formë të gjykimit që ka vendosur nëse ata kanë kryer një krim. Ata që kanë kryer krime të rënda duhet të vihen para drejtësisë, thotë ajo.
– Disa vende tashmë po e bëjnë këtë dhe po bëjnë mirë, të tilla si Rusia dhe Shtetet e Bashkuara. Më duket e çuditshme që shtetet që zakonisht thonë se mbrojnë të drejtat e njeriut dhe të fëmijëve nuk marrin përgjegjësi.
A nuk duhet të mbajnë përgjegjësi aty?
– Nëse njerëzit kanë kryer krime të rënda, krime lufte, gjenocid ose krime kundër njerëzimit, atëherë viktimat meritojnë një proces ligjor.
– Por kush mendoni se do t’i kryejë këto procese?
Unë e konsideroj jashtëzakonisht problematike që shtetet evropiane flirtojnë me idenë që aktorët jo-shtetërorë duhet të sjellin para drejtësisë qytetarët e këtyre vendeve, thotë Fionnuala Ni Aolain, duke iu referuar vetëqeverisjes lokale kurde (AANES) e cila ka kontroll mbi zonën.
(Video)
