Jean Paul Gaultier është një njeri i kontradiktave. Si dizajnues i cili e nxori Haute Couture nga “skena” famëkeqe, pamjet e tij provokuese të realizuara te Madonna, ai ndoqi mjeshtërinë dhe aftësinë e tij në markën legjendare franceze të Pierre Cardin. Që nga fillimi i karrierës së tij, Jean Paul Gaultier donte të tregonte se bukuria vjen në shumë forma, se edhe objektet më të vogla mund të shndërrohen në diçka të mahnitshme.
Në nder të fuqive të kundërta, koleksioni Gaultier në Pranverë / Verë 2016 për Atelier Swarovski, “Reverse”, luan me konceptin e “papërsosmërisë perfekte”. Ky koleksion unik vjen me një seri stilesh asimetrike duke përdorur kristalin e ri Kaput.
Disa pjesë mund të mbahen nga të dyja anët, në varësi të gjendjes shpirtërore të mbajtëses së bizhuterisë. Të përfunduara me dorë në Itali, koleksioni joshës prej 12 modelesh eksploron potencialin kreativ të kristalit në stile të guximshme dhe të vendosura në flori 24 karatësh.
“Ishte me të vërtetë kënaqësi për mua të realizoja këtë bashkëpunim dhe të krijoja një gur të veçantë. Kjo ishte hera e parë që krijova një gur të çmuar. Doja që të ishte diçka krejtësisht ndryshe, e thyer dhe si i pagdhendur, njëkohësisht i sofistikuar. Çdo model përdor anët e ndryshme të gurit të çmuar, disa janë të errëta, disa janë të ndritshëm dhe disa transparent. Është pak kubizëm”, është shprehur më herët Gaultier për “Pret-A-Reporter”.
Ai shpjegon më tej se “Kaput” është një gur i veçantë: “ Ajo që është e mrekullueshme është ndryshueshmëria e tij, një ngjyrë nga njëra anë, ngjyrë tjetër nga ana tjetër dhe ka një lloj thyerje”.
“Swarovski” e bën jetën dhe modën të shkëlqejnë. Edhe dizajnët e kristaleve më të komplikuara nuk janë sekrete për të”, shprehet Jean Paul Gaultier.
Shikoni nga afërt koleksionin te “Swarovski” në dy dyqanet e tij, në Qendrën Metropol, rr. “Sami Frashëri” dhe në TEG.
Burimi: Atelier Swarovski
